اسلام آباد۔22مارچ (اے پی پی):اسلام آباد، خیبر پختونخوا، گلگت بلتستان ،بلوچستان اتے پنجاب دے ٻہوں سرے علاقیں اچ آوݨ آلے شدید زلزلے دے بعد آرمی چیف جنرل عاصم منیر دی ہدایات تے ساری متعلقہ یونٹس کوں امدادی سرگرمیاں کیتے تیار ہن۔ سکیورٹی ذرائع موجب 12 گھنٹے گزرݨ دے بعد حالی تئیں زلزلے توں کہیں بارے ضیان دی اطلاع نی ملی تاں جو متفرق عمارتاں دیاں دیواراں اچ دراڑاں دی اطلاع ملئن ۔آرمی چیف دی ہدایات اچ کہیں وی علاقے اچ ضیان دی اطلاع تے سول انتظامیہ دی معاونت کوں یقینی بݨاوݨ تے فوری ریسکیو آپریشن دا آغاز کیتا ونڄݨ شامل اے تاں جو وختی کارروائی کرتے قیمتی جاناں کوں ضیان توں بچایا ونڄ سڳے ۔ ایں حوالے نال سارے متعلقہ آرمی اتے ایف سی دی اربن سرچ اینڈ ریسکیو ٹیماں تیار ہن ۔قدرتی آفات ہوون یا سکیورٹی دے چیلنجز پاک فوج عوامی خدمت نال سرشار رہی اے۔
