ٻاہرلی فنڈنگ دے حوالے انل شرطاں پوریاں تھیوݨ تے آئی ایم ایف نال سٹاف لیول معاہدہ طے تھی ویسی ،وزیر مملکت خزانہ ڈاکٹرعائشہ غوث پاشا

اسلام آباد۔5اپریل(اے پی پی)وزیر مملکت خزانہ ڈاکٹر عائشہ غوث پاشا آکھیے تحریک انصاف دی حکومت دی طرفوں آئی ایم ایف نال معاہدے اچ خلاف ورزیاں دی وجہ توں عدم اعتماد دی فضا پیدا تھئی،چین، سعودی عرب اتے متحدہ عرب امارات دوست ملاکں دے نال ٻاہرلی فنڈنگ دی ضرورتاں تے ڳالھ مہاڑ تھیندی پئی اے ، آئی ایم ایف دی ٻاہرلی فنڈنگ دے حوالے نال شرطاں پوریاں تھیوݨ سٹاف لیول معاہدہ طے تھی ویسی ۔ ٻدھ کوں قومی اسمبلی اجلاس اچ سولاں دے وقفے اچ مولانا عبدالاکبر چترالی دے سوال دے جواب اچ وزیر مملکت خزانہ ڈاکٹر عائشہ غوث پاشا آکھیے فوجداری معاملات اچ مقدمات اے سی سی پی دے دائر کاراچ نی آندے ، اے عدالتاں دے دائرہ کار وچ آندن ۔ عالیہ کامران دے سوال دے جواب اچ وزیر مملکت خزانہ آکھیے آئی ایم ایف دے نال سابق حکومت جیڑھا کم کیتے بعد اچ او ایں توں منحرف تھئے جیں توں آئی ایم ایف اتے پاکستان دے درمیان عدم اعتماد دی صورتحال ودھی اے ، باقی آڈیولیکس دے حوالے نال ایں معاملےکوں فنانس ڈویژن نی ݙیکھ سڳدا ،حکومت ہی کارروائی کرسڳدی اے ۔ سردار طالب نکئی دے سوال تے وزیر مملکت عائشہ غوث پاشا آکھیے آئی ایم ایف نال موجودہ حکومت کوں اعتماد سازی دے اقدامات چاوݨے پئن۔