کئی سالاں بعد پاکستان کھنڈ دی برآمد شروع کیتی اے، ہݨ تئیں 170ملین میٹرک ٹن کھنڈ ایکسپورٹ کرچکیوں ،وفاقی وزیر تجارت سید نوید قمر

اسلام آباد۔5اپریل(اے پی پی) وفاقی وزیر تجارت سید نوید قمرآکھیے پاکستان کئی سالاں بعد پاکستان کھنڈ دی برآمد شروع کیتی اے، ہݨ تئیں 170ملین میٹرک ٹن کھنڈ ایکسپورٹ کرچکیوں ۔ اساں کنے حالی وی کھنڈ برآمد کرݨ دی گنجائش موجود اے ،ملک اچ ایں ویلھے کھنڈ دی کوئی قلت کائنی ، دنیا دے نال تجارت بند نی کیتی ونڄ سڳدی ۔ قومی اسمبلی اجلاس اچ سوالاں دے وقفے اچ جیمز اقبال دے سوال دے جواب اچ وزیر تجارت سید نوید قمر آکھیے ایکسپورٹ ایں کیتے نی ہوندی جو کوئی چیزاساں کنے ودھ ہووے، انہاں آکھیے ایں ویلھے کھنڈ برآمد کیتی ویندی پئی اے تے ملک اچ کھنڈ دی کوئی قلت کائنی ، اساں چیزاں ٻاہر بھیڄیندون تاں ڈالر آندن تے اساں دنیا توں آپݨی ضرورت دیاں چیزاں مل گھندون ، ایکسپورٹس بند کرݙیسوں تاں اتھاں صنعتاں بند تھی ویسن ۔