اسلام آباد۔5اپریل (اے پی پی) صدر مملکت ڈاکٹر عارف علوی خصوصی لوکاں دی مالی خودمختاری کیتے مخصوص ملازمتاں پیدا کرݨ دی لوڑھ تے زور ݙیندیں ہوئیں آکھیا جو خصوصی لوکاں دی حوصلہ افزائی اتے مدد سرکاری اتے نجی شعبیاں دی اجتماعی ذمہ واری اے۔ ایوان صدر دے پریس ونگ توں جاری بیان موجب صدرمملکت اے ڳالھیں پاکستان فائونڈیشن فائٹنگ بلائنڈنس دے وائس چیئرمین ڈاکٹر انیس الرحمان نال ڳالھ مہاڑ کریندیں ہوئیں اکھی جنہاں بدھ کوں ایوان صدر اچ انہاں نال ملاقات کیتی۔ انہاں آکھیا جو خصوصی لوکاں کوں کارآمد شہری ٻݨاوݨ کیتے تربیت اتے مخصوص مہارتاں نال لیس کرݨ دی لوڑھ اے، معاشرے کوں خصوصی لوکاں کوں ںظرانداز نی کرݨا چاہیدا۔ صدرمملکت حکومتی اتے نجی شعبیاں تے بینائی توں محروم لوکاں دے مسئلیاں کوں حل کرݨ اچ مدد کرݨ تے زور ݙتا۔ انہاں آکھیا جو رویاں اچ مثبت تبدیلی ڳھن آوݨ کیتے خصوصی لوکاں دے حقوق اتے مسئلیاں بارے شعور اجاگر کرݨ دی لوڑھ اے۔ ڈاکٹر انیس الرحمان صدر مملکت کوں نابینا لوکاں دی فلاح و بہبود بارے کیتے ڳے اقدامات بارے ݙسیا۔ ایں موقع تے صدرمملکت کوں بریفنگ اچ ݙسیا ڳیا جو فائٹنگ بلائنڈ نس فائونڈیشن گزریل ݙاہ سالیں اچ 50,000 توں ودھ بصارت توں محروم لوکاں دی زندیاں کوں بدلیے۔
