پی ایس ڈی پی دے تحت اسٹیبلشمنٹ ڈویژن دی 8 سکیماں کیتے 840 ملین روپے مختص

اسلام آباد۔9جون(اے پی پی) وفاقی حکومت آندے مالی سال 24-2023 کیتے سرکاری شعبہ دے ترقیاتی منصوبہ جات (پی ایس ڈی پی ) دے تحت پی ایس ڈی پی دے تحت اسٹیبلشمنٹ ڈویژن دی 8 سکیماں کیتے 840 ملین روپے مختص کیتے ڳن۔ انہاں سکمیاں اچ 5 جاری اتے 3 نویاں سکیماں شامل ہین۔ اسٹیبلشمنٹ ڈویژن دی جاری سکیماں کیتے 619.395 ملین روپے رکھیے ڳن۔ انہاں سکمیاں دی کل لاڳت 1406.757 ملین روپے ہے جیندے اچوں 30 جون 2023 تئیں 792.761 ملین روپے اخراجات تھیسن۔ سکمیاں اچ فیڈرل پبلک سروس کمیشن دے امتحانات کیتے کمپیوٹر بیسڈ ٹیسٹنگ، سول سروسز اکیڈمی والٹن لاہور اچ بولان ہاسٹل دی ݙوڄھی منزل ٻݨاوݨ، سارک بلڈنگ اسلام آباد اچ نیشنل انسٹی ٹیوٹ آف مینجمنٹ ٻݨآوݨ، این ایس پی پی لاہور دے ادارہ جاتی استحکام اتے ٹریننگ و ریسرچ فنکشنز، سول سروسز اکیڈمی لاہور اچ پاکستان ایڈمنسٹریٹو سروس آفیسرز دی تربیتی سرگرمیاں دی سکمیاں شامل ہن جیندے کیتے بالترتیب 35.64 ملین روپے، 8 ملین روپے، 59.8 ملین روپے، 403.48 ملین روپے، 112.43 ملین روپے رکھیے ڳن۔ نویاں سکمیاں اچ نیشنل انسٹی ٹیوٹ آف مینجمنٹ اچ اکیڈمک بلاکس دی اپ گریڈیشن و سکیورٹی اقدامات، این سی آر ڈی کمپلیکس (فیز ۔3) چک شہزاد اسلام آباد دی اپ گریڈیشن اتے نیشنل انسٹی ٹیوٹ آف مینجمنٹ پشاور اچ آڈیٹوریم ٻݨآوݨ شامل اے جنہاں تے مجموعی لاگت 309.72 ملین روپے تھیسی۔