مواصلات ڈویژن دے 3جاری اتے3  نویں منصوبیاں کیتے  360.390ملین روپے رکھیے ڳن

اسلام آباد۔9جون  (اے پی پی) وفاقی حکومت آئندے مالی سال 24 ۔ 2023 دے سالانہ بجٹ اچ سرکاری شعبہ دے ترقیاتی پروگرام (پی  ایس ڈی پی) دے تحت مواصلات ڈویژن دے 3جاری اتے3  نویں منصوبیاں کیتے  360.390ملین روپے رکھیے ڳن۔ جمعے کوں جاری پی ایس ڈی پی دی جاری دستاویز موجب مواصلات ڈویژن دے 3جاری منصوبیاں کیتے184.290ملین روپے رکھیے ڳں جئیں اچ  کنسٹرکشن ٹیکنالوجی ٹریننگ انسٹیٹیوٹ ( سی ٹی ٹی آئی) اسلام آباد اچ 200 طلبا  کیتے ہاسٹل دی تعمیر ، رحیم یار خان انٹر چینج ایم – 5 تے ایس ایس ٹی آفس اتے ٻی سہولتاں دی تعمیر،  شیر شاہ انٹر چینج ایم – 5 سیکٹر 1تے سہولتاں دی تعمیر دے منصوبے شامل ہن۔ ترئے نویں منصوبیاں کیتے178.100ملین روپے رکھیے ڳن جئیں اچ شیخوپورہ انٹر چینج دی تعمیر کیتے 106کنال 15مرلے زمین گھنݨ کیتے ٹانک پوسٹ ماسٹر دی رہائش گاہ اتے جی پی او دی تعمیر ای۔ 35 مانسہرہ کیتے ایس ایس پی آفس دی تعمیردے منصوبے شامل کیتے ڳن۔