پی ایس ڈی پی اچ اطلاعات و نشریات ڈویژن دے جاری ونویں منصوبیں کیتے 2 ارب روپے رکھئن

اسلام آباد۔9جون(اے پی پی) آندے مالی سال دے سرکاری شعبہ دے ترقیاتی پروگرام پی ایس ڈی پی اچ اطلاعات و نشریات ڈویژن دے منصوبیں کیتے مجموعی طور تے 2 ارب روپے رکھئے ڳئن جیں اچ جاری اسکیماں کیتے ھک ارب 54 کروڑ 53 لکھ 50 ہزار روپے اتے نویاں سکیماں کیتے 45 کروڑ 46 لکھ 50 ہزار روپے دی رقم شامل اے۔ جمعہ کوں جاری تھیوݨ آلے پی ایس ڈی پی 24 ۔ 2023 موجب بجٹ اچ وزارت اطلاعات و نشریات دی جاری سکیماں اسٹیبلشمنٹ آف پاکستان انفارمیشن سینٹر (پی آئی سی) فیز ون کیتے 3 کروڑ 50 لکھ روپے، سینٹرل مانیٹرنگ یونٹ (اسلام آباد) ڈائریکٹوریٹ آف الیکٹرانک میڈیا پبلی کیشنز کیتے 44 کروڑ 85 لکھ روپے، قائداعظم محمد علی جناح دی 1906ءتوں 1948ءتئیں تقاریر دی اشاعت دے منصوبے کیتے 3 کروڑ 25 لکھ 30 ہزار روپے، پی آئی ڈی میڈیا سیل ٹو سی وی ای پائلٹ پراجیکٹ (اسلام آباد) پی آئی ڈی دے قیام کیتے 4 کروڑ روپے، نیشنل انفارمیشن میڈیا آرکائیو ریپازٹری (اسلام آباد۔لاہور سائبر ونگ) کیتے 37 کروڑ 94 لکھ 12 ہزار روپے، خیرپور (سندھ) اچ میڈیا ویو سروسز دی بحالی کیتے 20 کروڑ 90 لکھ 69 ہزار روپے، سینٹرل بورڈ آف فلم سینسرز (اسلام آباد) دی اپ گریڈیشن کیتے 4 کروڑ 81 لکھ 41 ہزار روپے، پاکستان براڈ کاسٹنگ کارپوریشن اچ سٹوڈیوز اتے ماسٹر کنٹرول رومز دی اپ گریڈیشن کیتے 15 کروڑ 49 لکھ 45 ہزار روپے اتے پی ٹی وی اکیڈمی ایچ نائن اسلام آباد اچ نیشنل فلم پروڈکشن انسٹیٹیوٹ دے قیام کیتے 20 کروڑ روپے رکھئے ڳئن ۔ وزارت اطلاعات و نشریات دی نویاں سکیماں کیتے پی ایس ڈی پی  24 ۔ 2023 اچ چین دی گرانٹ ان ایڈ دے ذریعے پی ٹی وی دے ڈی ٹی ایم بی دی ٹیرسٹیریل ڈیجیٹلائزیشن کیتے 5 کروڑ 46 لکھ 50 ہزار روپے، ایچ پی ٹی روات دی اپ گریڈیشن، 1000 کے وی ۔ ڈی آر ایم دی تنصیب کیتے 40 کروڑ روپے رکھئے ڳئن۔