صوبیں تے خصوصی علاقیں اچ جاری نویں منصوبیں کیتے 167ارب 90کروڑ روپے دے فنڈز رکھئن

اسلام آباد۔9جون(اے پی پی) آندے مالی سال 24-2023 کیتے سرکاری شعبہ دے ترقیاتی پروگرام اچ صوبیں تے خصوصی علاقیں  اچ جاری نویں منصوبیں کیتے 167ارب 90کروڑ روپے رکھئے ڳئن ۔  سرکاری شعبہ دے ترقیاتی پروگرام (پی ایس ڈی پی) موجب صوبہ پنجاب اچ 16جاری اتے 2 نویں منصوبیں کیتے 9ارب 11کروڑ 33 لکھ روپے توں ودھ دے فنڈز رکھئن ، صوبہ سندھ اچ 3 جاری تے 8 نویں منصوبیں کیتے 21ارب 10کروڑ روپے  رکھئے ڳئن ، خیبرپختونخوا اچ 8 جاری تے ھک نویں منصوبے کیتے 3ارب 68کروڑ 45 لکھ روپے توں ودھ ، بلوچستان اچ 25 جاری اتے7نویں منصوبیں کیتے 50ارب روپے  رکھئن۔ ایں توں انڄ ضم  شدہ اضلاع دے ݙو منصوبیں کیتے 57 ارب روپے رکھئے ڳن، آزاد کشمیر اچ ھک نویں تے 8 جاری منصوبیں تے و بلاک ایلوکیشن دی مد اچ 32ارب 35کروڑ جݙاں جو گلگت بلتستان کیتے 28ارب 45کروڑ روپے مختص کیتے ڳئن ، گلگت بلتستان اچ ریجنل گرڈ دے قیام کیتے ھک ارب روپے ، بین الصوبائی رابطہ  اقتصادی راہداری کیتے 80کروڑ روپے مختص رکھئے ڳئن ، ہنزہ اچ گریٹر واٹر سپلائی  کیتے 20کروڑ روپے اتے چلاس اچ زچہ وبچہ ہسپتال کیتے 50کروڑ روپے رکھئے ڳئن ۔ آزاد کشمیراچ رٹھوعہ ہریام پل کیتے ھک ارب روپے رکھئے ڳئن، پنجاب اچ للہ انٹرچینج کوں ݙو رویہ بݨاݨ دے منصوبے کیتے ھک ارب 80کروڑ روپے مختص کیتن ، سیالکوٹ کینٹ توں جیسرگیریژن تئیں 69کلومیٹرسڑک دی کشادگی اتے بہتری  کیتے 2 ارب 80کروڑ روپے رکھئے ڳئن، سیالکوٹ  ایمن آباد روڈ توں کامونکی موٹروے لنک تئیں سڑک کوں ݙو پاسے کرݨ کیتے ھک ارب روپے رکھئے ڳئن ۔