ملک دے پتھے ہوئے طبقے دی مالی مشکلات کوں گھٹ کرݨ وی وفاقی  بجٹ دی اہم ترجیحات اچ شامل اے، وزیر خزانہ سینیٹر اسحاق ڈار

اسلام آباد۔9جون  (اے پی پی):ملک دے پتھے ہوئے طبقے دی مالی مشکلات کوں گھٹ کرݨ وی وفاقی  بجٹ دی اہم ترجیحات اچ شامل اے۔ جمعہ کوں وزیر خزانہ سینیٹر  محمد اسحاق ڈار بجٹ تقریر کریندے ہوئیں آکھیے بینظیر انکم سپورٹ  پروگرام غربت نال نبݨم کیتے حکومت  پاکستان دا ھک فلیگ شپ پروگرام اے   مالی سال 2021-22  اچ ایں پروگرام کیتے 250  ارب روپے رکھے ڳئے ہن موجودہ حکومت بجٹ 2023  اچ 360 ارب روپے تئیں ودھا ݙتا ہئی انہاں آکھیے اڄوکے مالی سال ایں مد اچ 40  ارب روپے  دا مزید ودھارا کرتے 400 ارب روپے کیتا ڳئے۔ اڳلے مالی سال دے دوران حکومت ایں مد اچ 450 ارب روپے ݙیوݨ دی تجویز ݙتی اے ۔ مالی سال 2023-24 اچ بی آئی ایس پی دے تحت  93 لکھ خانداناں  کوں 8,750 روپے فی سہ ماہی دے حساب نال بینظیر کفالت  کیش ٹرانسفر دی سہولت میسر  ہوسی جیں کیتے 346 ارب روپے رکھئے ڳئن ۔ حکومت اے اعلان وی کریندی اے جو آندے مالی سال اچ افراط  زر دی مماثلت توں ایندے اچ ودھارا وی کریسی ۔ بینظیر تعلیمی وظائف  پروگرام دا دائرہ  کار 60 لکھ ٻالڑیاں توں ودھ تے تقریباً83  لکھ تئیں کیتا ویسی جیں اچ 52 فی صد تعداد ٻالڑیاں دی ہے۔ ایں مقصد کیتے 55 ارب روپے توں ودھ رقم رکھی ڳئی اے ۔ 92 ہزارطالب علماں کوں بینظیر  انڈر گریجویٹ  سکالر شپ  ݙتا ویسی جیں کیتے 6  ارب روپے رکھئن۔ بینظیر نشوونما  پروگرام سارے اضلاع اچ جاری رہسی ۔