سمندری طوفان توں خطرہ ہے ، سندھ دے عوام کوں حکومتی ہدایات تے عملدرآمد یقینی بݨاوݨا ہوسی ،سپیکر قومی اسمبلی

اسلام آباد۔13جون(اے پی پی):سپیکر قومی اسمبلی راجہ پرویز اشرف آکھیے سندھ کوں سمندری طوفان پاروں خطرہ ہے ، سندھ دے عوام کوں محتاط رہندے ہوئیں حکومتی ہدایات تے عملدرآمد یقینی بݨاوݨا ہوسی ۔ قومی اسمبلی اچ وفاقی وزیر شازیہ عطا مری اتے انجینئر صابر حسین قائم خانی دی طرفوں چاتے ڳئے معاملے تے آپݨے ریمارکس اچ سپیکر قومی اسمبلی آکھیے اے وݙا اہم مسئلہ اے ، اللہ توں دعا اے جو اللہ ایں خطرے توں اساکوں محفوظ رکھے، ساݙی بری، بحری افواج وی کم کریندی پئی اے ، ایں توں انڄ سندھ حکومت دے اقدامات وی قابل قدر ہن، سندھ دے عوام کوں ایں صورتحال اچ محتاط رہݨا چاہیدے تے حکومتی ہدایات تے عملدرآمد یقینی بݨاوݨاں چاہیدے ۔