سمندری طوفان دے پیش نظر سندھ  حکومت 80 ہزار توں ھک لکھ لوکاں کوں محفوظ جاہ تے منتقل کیتے ،وفاقی وزیرشازیہ عطا مری

اسلام آباد۔13جون(اے پی پی) وفاقی وزیر تخفیف غربت و سماجی بہبود شازیہ عطا مری آکھیے سمندری طوفان دے پیش نظر سندھ  حکومت 80 ہزار توں ھک لکھ لوکاں کوں محفوط جاہ تے منتقل کیتے ، صوبائی حکومت عوام دی جان و مال دے تحفظ کیتے بھرپور اقدامات کریندی پئی اے ، تاں جو انہاں کوں آپݨے تحفظ کیتے خود وی موثر تدابیر اختیار کرݨیاں چاہیدن ۔ قومی اسمبلی اچ ڳالھ کریندے ہوئیں شازیہ مری آکھیے پاکستان کوں سمندری طوفان توں شدید خطرہ اے، اساں ایں سوچ وچار اچ ہیسے جو کیویں لوکاں دی جان تے مال دا تحفظ یقینی بݨایا ونڄے سندھ حکومت بھرپور کریندی پئی اے ، انہاں آکھیے سمندری طوفان توں بدین اتے ٹھٹھہ کوں خطرہ اے، کراچی شہر اچ طوفان دے خطرے پاروں بل بورڈ زہٹاوݨ دا کم جاری اے ، 14 اتے 15 جون کوں شدید خطرہ  درپیش ہوسی۔ انہاں آکھیے لوکاں کوں حکومتی ہدایات تے عملدرآمد یقینی بݨاوݨاں چاہیدے ، انہاں آکھیے سمندری طوفان توں بلوچستان کوں وی خطرہ اے ، سپیکر وی لوکاں کوں حکومتی ہدایات تے عملدرآمد کرݨ دی تلقین کرن۔