سمندری طوفان بپر جوائے کراچی دے جنوب اچ تقریباً 410 کلومیٹر دے فاصلے تے اے، اگلے 12 گھنٹیاں اچ شمال آلے پاسے اتے 14 جون شمال مشرق آلے پاسے ودھݨ دا امکان اے

اسلام آباد۔13جون  (اے پی پی) سمندری طوفان بپر جوائے کراچی دے جنوب اچ تقریباً 410 کلومیٹر دے فاصلے تے اے، اگلے 12 گھنٹیاں اچ شمال آلے پاسے اتے 14 جون شمال مشرق آلے پاسے ودھݨ دا امکان اے، 15 جون (شام) کوں کیٹی بندر(جنوب مشرقی سندھ) اتے بھارتی گجرات وچال ٹکراوݨ دا ݙر اے۔ محکمہ موسمیات موجب بدھ کوں ملک دے کئی علاقیاں اچ موسم گرم رہسی جڈانجو کشمیر ، بالائی پنجاب ،اسلام آباد، گلگت بلتستان، خیبر پختونحوا،مشرقی وجنوبی بلوچستان اتے وسطی تے زیریں سندھ اچ اندھاری، مٹی دی ہوائیں چلݨ اتے ڳاڄ کھمݨ نال مینہ وسݨ دا امکان اے۔ سمندری طوفان پاروں ملک دے میدانی ضلعیاں اچ جھکڑ اندھاری چلݨ دے علاوہ سندھ اچ کجھ جہیں تے مینہ وسݨ دا امکان اے۔ گزریل چووی گھنٹیاں اچ ملک دے کئی علاقیاں اچ موسم گرم رہا۔ ایں وچال ملک اچ ودھ توں ودھ زیادہ درجہ حرارت تربت47 ،دادو ، بھکر، دالبندین، سبی اتےجیکب آباد اچ 44 ڈگر ی سینٹی گریڈ ریکارڈ کیتا ڳیا۔