وزیر اعظم شہباز شریف الیونتھ ایونیو منصوبے دا سنگ بنیاد رکھ ݙتا،7.2 کلومیٹر دا  منصوبہ 16 ارب روپے دی لاگت نال مکمل تھیسی

اسلام آباد۔14جون(اے پی پی):وزیراعظم محمد شہباز شریف الیونتھ ایونیو منصوبہ دا سنگ بنیاد رکھ ݙتا۔7.2 کلومیٹر دا اے منصوبہ ݙو مرحلیں اچ 16 ارب روپے دی لاڳت نال مکمل تھیسی ۔ وزیر اعظم وفاقی وزراءرانا ثناءاللہ،مریم اورنگ زیب دے رلے الیونتھ ایونیو منصوبے دا سنگ بنیاد رکھیا۔ ایں موقع تے سابق ارکان قومی اسمبلی حنیف عباسی،ملک ابرار،انجم عقیل خان،ڈاکٹر طارق فضل چوہدری وی ایں موقع تے موجود ہن ۔وزیر اعظم کوں الیونتھ ایونیو منصوبے تے بریفنگ ݙتی ڳئی۔انہاں کوں ݙسایا ڳیا جو ایں منصوبے دے پہلے مرحلے اچ 4.20 کلومیٹر شاہراہ تعمیر کیتی ویسی ایں اچ ݙو انٹر چینج اتے ݙو فلائی اوور شامل ہن۔ترائے رویہ شاہراہ تے 9 ارب روپے لاگت آسی ۔ پہلا مرحلہ ھک سال اچ مکمل تھیسی تے ݙوجھے مرحلے اچ ترائے کلومیٹر لمبی شاہراہ تعمیر تھیسی جیں اچ ݙو انڈر پاس اتے ݙو انٹر چینج شامل ہن۔ ݙوجھا مرحلہ پورا تھیوݨ اچ وی ھک سال لڳسی ۔ایں منصوبے اچ ریلوے ٹریفک جنکشن اتے آئی جے پی روڈ تے انٹر چینج اتے فلائی اوور تعمیر کیتے ویسن ۔الیونتھ ایونیو تے خیابان اقبال،ابن سینا،سری نگر ہائی وے تے انٹر چینج تے فلائی اوور بݨائے ویسن ۔