سیاسی استحکام دے بغیر معاشی استحکام ممکن کائنی ،9 مئی دے واقعات قوم کوں ݙکھی کرݙتا ،  شہدا تے غازیاں کوں بُھل ونڄݨ آلیاں قوماں زندہ نی رہندیاں ، وزیراعظم شہباز شریف

اسلام آباد۔14جون(اے پی پی) وزیراعظم محمد شہباز شریف آکھیے سیاسی استحکام دے بغیر معاشی استحکام ممکن کائنی ،9 مئی دے واقعات قوم کوں ݙکھی تے سر شرم ناک جھکا ݙتے ،  شہدا تے غازیاں کوں بُھل ونڄݨ آلیاں قوماں زندہ نی رہندیاں، ، رجیم چینج دے کوڑے دعویداراں دا کوڑا پراپیگنڈا بےنقاب تھی ڳئے ، روس توں 45 ہزار ٹن  سستا خام تیل پڄ ڳئے ، آئی ایم ایف دیاں سبھے شرطاں پوریاں کرݙتن ، معاہدہ وختی تھیسی ، اسلام آباد اچ سالڈ ویسٹ دانظام متعارف کرایا ویسی ، اے ڳالھ انہاں ٻدھ کوں کیپٹن کرنل شیر خان شہید (سابقہ آئی جے پی) روڈ دے نویں سروں تعمیر دے منصوبے دی افتتاحی تقریب توں خطاب کریندے ہوئیں آکھی اے ، ایں موقع تے افتتاحی تقریب اچ وفاقی وزیر داخلہ رانا ثناء اللہ ، وفاقی وزیر اطلاعات و نشریات مریم اورنگزیب ، وزیر اعظم دے معاون خصوصی احد چیمہ، رکن قومی اسمبلی طاہرہ اورنگزیب، سابق ارکان قومی اسمبلی حنیف عباسی، ڈاکٹر طارق فضل چوہدری، ملک ابرار ، انجم عقیل خان ، ملک شکیل اعوان اتے مسلم لیگ (ن) دے رہنماواں دے علاوہ چیئرمین سی ڈی اے نور الامین مینگل اتے کمشنر راولپنڈی لیاقت چٹھہ تے ٻئے متعلقہ محکمیں دے افسران اتے اہلکارا موجود ہن ۔تقریب اچ وزیراعظم آئی جی پی روڈ کوں کیپٹن کرنل شیر خان شہید دے ناں منسوب کرݨ دا اعلان کیتا ۔ ایں موقع تے خطاب کریندے ہوئیں وزیراعظم آکھیے جو گزریل حکومت دے دور اچ ناقص منصوبہ  بندی دی وجہ توں اے منصوبہ تعطل  دا شکار رہیا۔ منصوبے دی تکمیل تے وزیر داخلہ  ، چیئرمین سی ڈی اے اتے ٻئے حکام کوں مبارخ ݙٰینداں ، منصوبے تے جیں خوبصورتی نال لینڈ سکیپنگ اتے باغبانی کیتی ڳئی اے او قابل تعریف اے ، انہاں آکھیے شہدا تے غازیاں کوں یاد رکھݨ آلیاں قوماں ہی کامیاب تھیندن تے جیڑھیاں قوماں انہاں کوں بل ویندن او زندہ نی رہندیان ،شہدا جان کوں ہتھیلی تے رکھ تے ملک دا ھک ھک انچ دشمناں توں بچائے ،شہدااتے اپݨے ٻالاں کوں یتیم کر ڳئے لیکن لکھاں ٻالاں کوں یتیم تھیوݨ توں بچایا ،وطن نال محبت  کرݨ آلا شہری 9 مئی جیہے واقعات دا سوچ وی نی سڳدا ،شہید کیپٹن کرنل شیر خان  دے ناویں منصوبے کوں منسوب کرݨ دا مقصد  قوم کوں شہدا دی عظیم قربانیاں بارے ݙساوݨ اے ، انہاں آکھیے پچھلی  حکومت میٹرو اسلام آباد منصوبہ بند کرݙتا ہئی اساں آندے ہی بحال کیتا ۔ رجیم چینج دے کوڑے دعویداراں دا پراپیگنڈا اڄ وی بے نقاب تھی ڳئے ۔عمران  نیازی ملک دے وقار کوں مٹی اچ رلاوݨ دی کوشش کیتی ، عمران نیازی پراپیگنڈا  کیتے جو روس نال تعلقات دی وجہ توں میݙی حکومت ڈھائی ڳئی،  حقائق سارے کوڑے الزامات اتے کوڑے پراپیگنڈے کوں زمین بوس کرݙتے۔ وزیراعظم آکھیے اساں روس توں ھک لکھ ٹن خام تیل دا معاہدہ کیتے ۔45ہزار ٹن خام تیل گھن تے پہلا جہاز لنگر انداز تھی چکیے ۔ روس توں آوݨ آلا تیل عالمی مارکیٹ توں15 ڈالر فی بیرل سستا اے۔انہاں آکھیے حکومت بجٹ اچ عوام کوں ریلیف ݙتے ، شاندار بجٹ پیش کرݨ تے  وزیرخزانہ اسحاق ڈار اتے ایندی پوری ٹیم کوں مبارخ ݙینداں ، مشکلات دے باوجود گھٹ توں گھٹ اجرت ، تنخواہیں تے پنشن  اچ چنڳاں ودھارا کیتے ، سیاسی استحکام دے بغیرکہیں ملک اچ معاشی استحکام  ممکن کائنی ۔