ملک دے کئی ہزار ارب روپے دی ٹیکس چوری تھیندی اے، صرف ݙو وزارتاں دا گردشی قرضہ 4000 ارب روپے اے، مستقل تبدیلی کیتے نقصان اچ چلݨ آلے سرکاری اداریاں دی نجکاری یا انہاں کوں بند کرݨا پوسی، وزیر دفاع خواجہ محمد آصف

اسلام آباد۔14جون  (اے پی پی) وزیر دفاع خواجہ محمد آصف آکھیا جو ملک دےکئی ہزار ارب روپے دی ٹیکس چوری تھیندی اے، صرف ݙو وزارتاں دا گردشی قرضہ 4000 ارب روپے اے، مستقل تبدیلی کیتے نقصان اچ چلݨ آلے سرکاری اداریاں دی نجکاری یا انہاں کوں بند کرݨا پوسی۔ خلیجی ملکاں اچ کم کرݨ آلے پاکستانی تارکین وطن دی مٹی نال محبت سرشار ہن، او عمران خان دے آکھݨ تے ترسیلات زر ٻھجواوݨ بند کائنا کریسن کیونجو انہاں ایں مٹی اچ دفن تھیوݨے، جیڑھے لوک ٻاہر ٻہہ تے اپݨے ملک دے خلاف سازشاں کریندن او اپݨے وݙکیاں دی تدفین کیتے اتھ امدن اتے اوندے بعد جائیداداں ویچ تے انہاں ملکاں اچ ویندن جئیں دی وفاداری دا حلف چاتا ہوندے۔ ریئل اسٹیٹ اچ 500 ارب روپے دا ٹیکس چوری تھیندے، نوئی کوں پاکستان دے خلاف شدید نفرت دا اظہار کیتا ڳیا۔ دفاعی اثاثیاں تے حملہ آور پاکستانی نی تھی سڳدے۔  بدھ کوں قومی اسمبلی اچ آندے مالی سال 2023-24 دے بجٹ تے بحث ڳھندیں ہوئیں انہاں آکھیا جو پچھتر سالیں اچ بنیادی تبدیلیاں ڳھن آوݨ کیتے کوئی اقدامات نی کیتے ڳے۔ اڄوکے معروضی حالات اچ آندے وفاقی بجٹ اچ عوام کوں ہرممکن سہولتاں ݙیوݨ دی کوشش کیتی ڳی اے۔