صدر مملکت ڈاکٹر عارف علوی ڈے کیئر سینٹرز ٻل 2023 ء دی توثیق کرݙتی

اسلام آباد۔15جون(اے پی پی):صدر مملکت ڈاکٹر عارف علوی ڈے کیئر سینٹرز ٻل  2023 ء دی توثیق کرݙتی۔ ٻل دا مقصد اسلام آباد اچ پبلک اتے پرائیویٹ اداریں اچ ڈے کیئر سینٹرز دیاں سہولتاں ݙیوݨ اے ، ٻل دے تحت وفاقی حکومت گھٹ توں گھٹ 70 ملازمین دے حامل اداریں اچ ڈے کیئرز دا قیام یقینی بݨیسی ۔ ایوان صدر دے پریس ونگ موجب ڈے کیئر سینٹرز ٻل  2023 ء دے تحت گھٹ توں گھٹ 70 ملازمین دے حامل نجی ادارے وی ملازمین دی سہولت کیتے ڈے کیئرز دا قیام یقینی بݨیسن ۔ٻل دے تحت عدم عملدرآمد دی صورت اچ پہلی وارننگ دے بعد ھک لکھ روپے تئیں دا جرمانہ کیتا ونڄ سڳسی ۔ مزید عدم عملدرآمد دی صورت اچ 6 مہینے قید دی سزا وی ݙتی ونڄ سڳسی ۔ صدر مملکت ٻل دی توثیق آئین دے آرٹیکل 75 دے تحت کیتی۔