سندھ دے سیلاب زدگان دی بحالی ،نویں سروں تعمیر تے پی ڈی ایم اے کم کریندی پئی اے ، وزیر مملکت خزانہ ڈاکٹرعائشہ غوث پاشا

اسلام آباد۔16جون(اے پی پی):وزیر مملکت خزانہ ڈاکٹر عائشہ غوث پاشا آکھیے سندھ دے سیلاب زدگان دی بحالی ،نویں سروں تعمیر تے پی ڈی ایم اے کم کریندی پئی اے، وفاقی حکومت صوبائی حکومت نال رل ٻہہ تے ایں معاملے دا جائزہ گھنسی جݙاں جو پیپلزپارٹی دے رکن قومی اسمبلی سید غلام مصطفی شاہ دا آکھݨ ہئی جو وزیراعظم سندھ دے سیلاب زدگان دی بحالی کیتے 100 ارب روپے دا وعدہ پورا کرن ۔ قومی اسمبلی دے اجلاس اچ سید غلام مصطفی شاہ دی طرفوں چاتے ڳئے نکتے دے جواب اچ وزیر مملکت خزانہ عائشہ غوث پاشا آکھیے جو اساں اے ڳالھ نوٹ کر ڳھدی اے ،  انہاں آکھیے سیلاب زدگان دی بحالی دے حوالے نال پی ڈی ایم اے کم کریندی پئی اے ، اے صوبائی حکومت دی ذمہ واری اے تاں جو ول وی اساں صوبائی حکومت نال رل ٻہہ تے ایں معاملے دا جائزہ گھنسوں ، ایندے توں پہلے سید غلام مصطفی شاہ اپݨی بجٹ تقریر اچ آکھیے اتحادی حکومت دے شراکت دار ہیسے، وزیراعظم سیلاب زدگان کیتے 100 ارب روپے دا اعلان کیتا ہئی، بے نظیر انکم سپورٹ پروگرام توں لوکاں دی روزمرہ گزر بسر کیتے رقم ݙتی ویندی اے ، زیراعظم دی اعلان کیتی ڳئی رقم سیلاب زدگان دی بحالی کیتے ہئی ، اے وعدہ پورا کیتا ونجے ، انہاں آکھیے سندھ دے مسئلے حل کرݨ کیتے بجٹ اچ رقم مختص کیتی ونڄݨی چاہیدی ہئی ، اے طے تھیا ہئی جو سندھ دی صوبائی حکومت اتے وفاقی حکومت سانجھے اشتراک نال اے مسئلے حل کریسی ، انہاں آکھیے امید اے جو حکومت اپݨی اتحادی جماعت دی آواز سݨسی ۔