اسلام آباد۔22جون (اے پی پی) دفتر خارجہ دی ترجمان یونان دے ساحل دے نیڑے سمندر اچ ٻیڑی الٹݨ دے افسوسناک واقعے تے جاں بحق تھیوݨ آلیاں دے لواحقین نال تعزیت اتے ٻے متاثرین نال ہمدردی کریندیں ہوئیں آکھیا جو لاپتہ لوکاں دی ڳول، نعشاں دی سنجاݨ اتے لواحقین دی مدد کرݨ کیتے پاکستان دی کوششاں جاری رہسن۔ دفتر خارجہ دی ترجمان ممتاز زہرہ بلوچ خمیس کوں پریس بریفنگ اچ آکھیا …
یونان ٻیڑی حادثے اچ لاپتہ بندیاں دی ڳول، نعشاں دی سنڄاݨ کیتے کوششاں جاری رہسن، ترجمان دفتر خارجہ
مزید خبراں
اسلام آباد۔22جون (اے پی پی) دفتر خارجہ دی ترجمان یونان دے ساحل دے نیڑے سمندر اچ ٻیڑی الٹݨ دے افسوسناک واقعے تے جاں بحق تھیوݨ آلیاں دے لواحقین نال تعزیت اتے ٻے متاثرین نال ہمدردی کریندیں ہوئیں آکھیا جو لاپتہ لوکاں دی ڳول، نعشاں دی سنجاݨ اتے لواحقین دی مدد کرݨ کیتے پاکستان دی کوششاں جاری رہسن۔ دفتر خارجہ دی ترجمان ممتاز زہرہ بلوچ خمیس کوں پریس بریفنگ اچ آکھیا جو ایں سانحے اچ کئی پاکستانیاں دی ہلاکت دا ݙر اے۔ اساݙے دل سارے متاثرین اتے انہاں دے ٹبراں نال ہن۔ 104 زندہ بچݨ آلیاں اچ 12 پاکستانی وی شامل ہن۔ یونانی حکام 84 نعشاں برآمد کیتن انہاں دی سنجاݨ ڈی این اے میچنگ نال تھیسی۔ ترجمان آکھیا جو متعلقہ حکام جہاز اچ موجود بندیاں دے ٹٻراں توں ڈی این اے دے نمونے جمع کرݨ شروع کر ݙتن اتے یونانی حکام نال اشتراک کریسن۔ انہاں آکھیا جو یونان ٻیڑی حادثے اچ لاپتہ بندیاں دی ڳول، نعشاں دی سنڄاݨ کیتے کوششاں جاری رہسن۔
