پیرس۔23جون(اے پی پی)وزیراعظم شہبازشریف اتے چین دے وزیراعظم لی کی چیانگ نویں عالمی مالیاتی معاہدے بارے سربراہ اجلاس ویلھے ملین اتے انہاں ݙو طرفہ تعلقات، چین پاکستان اقتصادی راہداری سودھا معاشی تعاون دے ودھارے، اعلیٰ سطح رابطے برقرار رکھݨ اتے مشترکہ مفادات سانڳے رل تے کم جاری رکھݨ تے اتفاق کیتے۔ اے مارچ اچ وزارت عظمی ملݨ توں بعد چینی وزیراعظم لی کی چیانگ دی وزیراعظم شہبازشریف نال پہلی …
شہبازشریف اتے لی کی چیانگ دا ݙو طرفہ تعلقات اتے مشترکہ مفادات سانڳے رل تے کم کرݨ دا عزم
مزید خبراں
پیرس۔23جون(اے پی پی)وزیراعظم شہبازشریف اتے چین دے وزیراعظم لی کی چیانگ نویں عالمی مالیاتی معاہدے بارے سربراہ اجلاس ویلھے ملین اتے انہاں ݙو طرفہ تعلقات، چین پاکستان اقتصادی راہداری سودھا معاشی تعاون دے ودھارے، اعلیٰ سطح رابطے برقرار رکھݨ اتے مشترکہ مفادات سانڳے رل تے کم جاری رکھݨ تے اتفاق کیتے۔ اے مارچ اچ وزارت عظمی ملݨ توں بعد چینی وزیراعظم لی کی چیانگ دی وزیراعظم شہبازشریف نال پہلی ملاقات ہئی۔ ݙوہاں رہنماواں پاکستان چین اقتصادی راہداری (سی پیک) سودھا ٻعے اہم معاملیاں تے الایا۔ وزیراعظم شہبازشریف پاکستان دی جغرافیائی سالمیت، خودمختاری و سماجی ومعاشی ترقی کیتے چین دی مسلسل حمایت دا شکریہ ادا کریندے آکھیا جو جموں وکشمیر دے متنازعہ خطے اچ جی 20 دا اجلاس سݙݨ دی چین ولوں بھرپور مخالفت اقوام متحدہ دی قرارداداں اتے عالمی قانون دی بالادستی کیتے چین دے اصولی موقف دا ثبوت اے۔ انہاں فوطرفہ تاریخی تعلقات، عوام توں عوام اتے حکومتی سطح تے ڳھاٹی سنڳت کوں اڳونہا کرݨ دا عزم دوہریندے ہمسائیگی سفارتکاری سانڳے خصوصی تعاون تے وی اتفاق کیتے۔ چینی وزیراعظم یقین فیوایا جو چین پاکستان دے کلیدی مفادات دے تحفظ، معاشی ترقی و پاکستان دے عوام دی خوشحالی کیتے ہتھ ونݙیندا راہسی۔ انہاں سی پیک دی پیش رفت تے اطمینان کریندے اتفاق کیتے جو سی پیک پاکستان دی سماجی ومعاشی ترقی کیتے وݙا اہم اے۔ وزیراعظم شہبازشریف چین دے اپݨے ہم منصب کوں تیکھے دورہ پاکستان دی دعوت ݙتی ڄیڑھی چینی وزیراعظم لی کی چیانگ قبول کرڳھدی۔
