گریڈ 17 توں 22 تئیں دے افسران 2 پنشن دی صورت اچ ہک پنشن ڳھن سڳسن، سینیٹر محمد اسحاق ڈار

اسلام آباد۔25جون(اے پی پی):وفاقی وزیر خزانہ و محصولات سینیٹر محمد اسحاق ڈار وضاحت کیتی اے جو گریڈ 17 توں 22 تئیں دے افسران 2 پنشن دی صورت اچ ہک پنشن ڳھن سڳسن۔ قومی اسمبلی اچ وفاقی وزیر آبی وسائل سید خورشید شاہ اتے ٻئے ارکان کوں ولدا ݙیندے انہاں آکھیا جو ہک توں 16 گریڈ دے ملازمین تے ایندا اطلاق نہ تھیسی، اتھاں لوک آرمی چیف، ول چیف ایگزیکٹو اتے ول صدر پاکستان دی پنشن ڳھندے رہین جیندا ٻھار غریب کیویں چا سڳدے، پنشنر دی بیوہ دے مرݨ تے پسماندگان کیتے 10 سال مدت رکھی ڳئی اے۔ انہاں آکھیا جو پنشن اصلاحات ضروری ہین جو 800 ارب روپے سالانہ تئیں ایندا حجم ودھ چکیے، کئی ملکاں توں ہٹ تے پاکستان اچ پنشن دی صورتحال بہتر اے۔ ہک ٻئے ولداے اچ وزیر خزانہ آکھیا جو ڈی اے پی پاکستان اچ ٻمدے، امپورٹڈ ڈی اے پی تے سبسڈی مکا ݙتی اے، ہک پاکستانی کمپنی ڈی اے پی دی پیداوار ودھاوݨ کتیے ٻئے 200 ملین ڈالر دی سرمایہ کاری دا اعلان وی کیتے، معاملے دا بجٹ دے بعد جائزہ ڳھدا ویسی، کسان  پیکج دے تحت ڈی اے پی دی قیمت 14 ہزار روپے توں ڳھٹا تے 10 ہزار روپے کر ݙتی اے۔