وفاقی وزیرِ احسن اقبال دی زیر صدارت مردم شماری مانیٹرنگ کمیٹی دا  اجلاس، 8 جولائی دے بعد از شمار سروے  شروع کرݨ دا فیصلہ

اسلام آباد۔27جون(اے پی پی)سینسس مانیٹرنگ کمیٹی 8 جولائی 2023ء توں بعد از شمار سروے(پی ای ایس ) شروع کرݨ دا فیصلہ کیتے۔ کوہستان دے باقی رہ ونڄݨ آلے 3 اضلاع اتے کے پی، آزاد جموں و کشمیر اتے گلگت بلتستان دے برف پوش علاقیاں اچ 8 جولائی 2023 توں مردم شماری دا وی فیصلہ تھئے۔ اے فیصلہ وفاقی وزیرِمنصوبہ بندی، ترقی و خصوصی اقدامات پروفیسر احسن اقبال دی زیر صدارت وزارت پی ڈی اینڈ ایس آئی اچ مردم شماری مانیٹرنگ کمیٹی دے 16 ویں اجلاس اچ تھئے۔ اجلاس اچ وفاقی وزیر آئی ٹی سید امین الحق سودھا سینسس مانیٹرنگ کمیٹی دے ارکان شرکت کیتی۔ پروفیسر احسن اقبال ہدایت کیتی جو بعد از شمار سروے کوں 15 ݙینھ اچ مکمل کیتا ونڄے تاں جو ایندی ساکھ تکڑی کریڄے۔ انہاں سارے چیف سیکرٹریز کوں آکھیا جو او سی ڈی اوز/ ڈپٹی کمشنرز/ اے سیز کوں آکھن جو او 15 جولائی 2023 تئیں ستویں خانہ و مردم شماری 2023 دی فیلڈ اچ شمار دا تکمیلی سرٹیفکیٹ ݙیون۔