گندھارا تہذیب دا شمار دنیا دی پراݨی تہذیباں اچ تھیندے ، وفاقی وزیر مذہبی امور سینیٹر طلحہ ٰمحمود  دا گندھارا سمپوزیم توں خطاب

اسلام آباد۔12جولائی  (اے پی پی):وفاقی وزیر مذہبی امور سینیٹر طلحہ ٰمحمود آکھیے گندھارا تہذیب دا شمار دنیا دی پراݨی تہذیباں اچ تھیندے، دنیا اچ وسݨ آلے سارے مذہب دے منݨ آلیں کوں کلچرل ڈپلومیسی، جذبے اتے سانجھ دے ذریعے ھک دوسرے دے نیڑے گھن آیا ونڄ سڳدے، مسلماناں دے حوالے نال دنیا اچ تھیوݨ آلا پروپیگنڈا درست کائنی ، اسلامی تعلیمات عدم تشدد، پیار، محبت اتے اخوت تے مبنی ہن۔  اے ڳالھ انہاں ٻدھ کوں گندھارا سمپوزیم توں خطاب کریندے ہوئیں آکھی ۔ وفاقی وزیر مذہبی امور سینٹر محمد طلحہ ٰمحمود آکھیے اساں سارے مذاہب دے لوکاں دا جیڑھے پاکستان آوݨ چاہندن خیر مقدم کریسون ، گندھارا تہذیب دے منݨ آلے پوری دنیا اچ وݙی تعداد اچ موجود ہن ہر انسان دی خواہش ہوندی اے جو ایں دی روح مطمئن ہووے ہر انسان کوں اپݨے مذہب دی تعلیمات تے عمل کرتے روحانی حاصل تھیندی اے ۔ انہاں آکھیے پوری دنیا دے سارے مذہب دے لوک جیڑھے پاکستان آوݨ چاہندن تے آپݨی عبادت گاہواں اچ ویلھا گزارݨ چاہندن ، پاکستان دی عوام دی طرفوں دعوت ݙینداں جو او اتھاں آوں پاکستان اچ زیادہ تعداد مسلماناں دی ہے تے اساں انہاں کوں خوش آمدید آکھدوں ، پاکستان دے لوک مہمان نواز اتے محبت کرݨ آلے ہن ، اساں محبت اتے پیار کرݨ آلے لوک ہیسے اساݙے پیغمبر حضرت محمد مصطفی صلی اللہ علیہ وسلم اتے قران حکیم پیار محبت اتے برداشت دا درس ݙتے ۔