ملک اچ سارے پاور ہاؤسز چلدے پن، کوشش اے جو لوڈشیڈنگ ݙو گھنٹے توں ڳھٹ تھیوے، وفاقی وزیرتوانائی انجینئر خرم دستگیر

اسلام آباد۔12جولائی  (اے پی پی) وفاقی وزیرتوانائی انجینئر خرم دستگیر  آکھیا جو ملک اچ سارے پاور ہاؤسز چلدے پن، کوشش اے جو لوڈشیڈنگ ݙو گھنٹے توں ڳھٹ تھیوے، حکومت سارے وسائل لاتے بجلی ٻݨیندی پی اے جئیں اچ   تھر اچ  کوئلے ، جھمپیر اچ  ہوا سے،  نیوکلئیر  زرائع دے نال نال  ہائیڈل   بجلی شامل اے۔ انہاں آکھیا جو ویلھے تے مینہ وسݨ نال تربیلا ڈیم اپݨی فوری کیپسٹی ݙیندا پے ایندا پنجواں یونٹ سروس کیتے ہئی او وی واپس آڳے۔ انہاں آکھای جو مختلف علاقیاں اچ بلاں دی بازیابی اتے نقصان کوں ݙیکھ تے لوڈشیڈنگ کیتی ویندی اے۔ جیڑھے فیڈرز تے بلاں دی بازیابی اسی فیصد توں ودھ ملدی نقصان 20 فیصد توں ڳھٹ ہوندے اتھاں لوڈشیڈنگ ڳھٹ کیتی ویندی اے اتے کوشش اے جو گرمی اچ لوڈشیڈنگ ݙو گھنٹے توں ڳھٹ تھیوے۔ ہک سوال دے ولدے اچ انہاں آکھیا جو اگر بغیر ریڈنگ دے بل امدے پن تاں اساکوں ݙساؤ ایندے ذمہ وار اساں ہیسے اساں اینکوں فوری ٹھیک کر تے ݙیسوں۔