وزیرِ اعظم شہباز شریف ملتان روانہ

اسلام آباد۔13جولائی  (اے پی پی):وزیرِاعظم محمد شہباز شریف اپݨے دورہ ملتان کیتے اسلام آباد توں روانہ تھی ڳئن ۔ وزیراعظم آفس دے میڈیاو نگ تں جاری بیان موجب وزیرِ اعظم ملتان اچ علاج معالجے دی بین الاقوامی سہولتاں توں آراستہ زیر تعمیر نشتر ۔II ہسپتال دا دورہ کریسن تے جاری تعمیراتی کماں دا جائزہ گھنسن ۔500 بستریں تے مشتمل ایں ہسپتال توں جنوبی پنجاب دے پرے دے علاقیں دے لوکاں کوں فیدہ تھیسی ۔ وزیرِ اعظم ایں موقع تے ڳالھ مہاڑ وی کریسن ۔ وزیرِ اعظم ملتان اچ جنوبی پنجاب توں تعلق رکھݨ آلے باصلاحیت نینگراں اچ وزیرِ اعظم یوتھ لون سکیم دے تحت چیک ݙیسن ۔ وزیرِ اعظم یوتھ لون سکیم دے تحت ہݨ تئیں ھک لکھ ڈاہ ہزار تں ودھ باصلاحیت نینگراں کوں 101.6 ارب روپے دے سوکھے تے گھٹ سود آلے قرضے ݙتے ڳئن جیڑھے جو انہاں کوں آپݨے زرعی و ٻئے کاروبار توں بااختیار، خودمختار اتے ݙوجھے نینگراں کیتے روزگار پیدا کرݨ دے قابل بݨیندے پئن ۔ وزیرِ اعظم ملتان اچ باصلاحیت اتے قابل طلبا و طالبات اچ وزیرِ اعظم لیپ ٹاپ سکیم دے تحت لیپ ٹاپ وی ݙیسن ۔وزیرِ اعظم ایں موقع تے خطاب وی کریسن ۔