اقوام متحدہ دی قرارداداں دے مطابق مسئلہ کشمیر دا حل خطے اچ امن سانڳے ناگزیر اے ، سپیکرتے ڈپٹی سپیکرقومی اسمبلی

اسلام آباد۔13جولائی(اے پی پی):سپیکرقومی اسمبلی راجہ پرویز اشریف اتے ڈپٹی سپیکرزاہد اکرم درانی آکھیے اقوام متحدہ دی قرارداداں دے مطابق مسئلہ کشمیر دا حل خطے اچ امن سانڳے ناگزیر اے ، 13 جولائی 1931 دے ݙینھ کوں تاریخ اچ ہمیشہ کالے ݙینھ تے یاد رکھیا ویسی ۔ یوم شہدائے کشمیر دے موقع تے آپݨے سنھیے اچ سپیکرقومی اسمبلی آکھیے 13 جولائی1931 کوں ڈوگرہ مہاراجہ دی فوج 22 مظاہرین کوں آذان ݙیوݨ دی پاداش اچ شہید کرݙتا،13 جولائی 1931 دے شہدا دا خون ضائع نہ ویسی۔ انہاں آکھیے مقبوضہ کشمیر اچ گزریل 7 ݙھاکیں تں ہزاراں ماواں دے جگر دے ٹکڑے شہید کیتے ڳئن ، مقبوضہ کشمیر اچ تریمتاں دی بے حرمتی اتے عصمت دری دے ہزاراں واقعات تھی چکئن ۔سپیکرقومی اسمبلی آکھیے بھارت دی نام نہاد جمہوری حکومت دے ہتھ ہزاراں کشمیری شہداء دے لہو توں رنڳیے پئن ، پاکستان کشمیری عوام دی حقِ خودارادیت دی جدو جہد دی ہر فورم تے اخلاقی، سیاسی اتے سفارتی حمایت جاری رکھیسی ،پاکستان دی پارلیمنٹ مسئلہ کشمیر دے پرامن حل سانڳے پرعزم اے ۔