سیکرٹری خارجہ اسد مجید خان کل آسیان ریجنل فورم دے 30 ویں وزارتی اجلاس اچ شرکت کریسن

اسلام آباد۔13جولائی(اے پی پی):سیکرٹری خارجہ ڈاکٹر اسد مجید خان آسیان ریجنل فورم (اے آر ایف) دے (کل) تھیوݨ آلے 30 ویں وزارتی اجلاس اچ شرکت کریسن ۔ دفتر خارجہ دی ترجمان ممتاز زہرا بلوچ پریس بریفنگ اچ آکھیے سیکرٹری خارجہ اجلاس اچ ایشیا پیسفک کیتے تشویش دے سیاسی اتے سیکیورٹی امور تے پاکستان دے نقطہ نظر کوں اجاگر کریسن ۔ انہاں آکھیے سیکرٹری خارجہ اے آر ایف اتے خطے دے ملکاں نال وسیع شراکت داری کیتے علاقائی تعاون اتے مکالمے دی پاکستان دی خواہش دا خاکہ پیش کریسن ۔ ڈاکٹر اسد مجید خان آسیان ریجنل فورم دے 30 ویں وزارتی اجلاس اچ شرکت کیتے جکارتہ انڈونیشیا وچ ہن ۔