راولپنڈی۔17جولائی(اے پی پی):پاک فوج دے سربراہ جنرل سید عاصم منیر آکھیے جو معروضی تربیت ساݙیاں پیشہ ورانہ مہارت دا خاصہ اے، ساکوں قومی سلامتی کوں لاحق کہیں وی خطرے نال نمٹݨ کیتے ہمیشہ تیار رہݨا چاہیدے۔ او کورکمانڈرز کانفرنس نال خطاب کریندے پئے ہن۔ 258 ویں کور کمانڈرز کانفرنس اچ مادر وطن دے دفاع کیتے بہادر سپاہیاں دی مسلسل قربانیاں کوں زبردست خراج تحسین پیش کیتا ڳئے۔ شرکاء کوں داخلی …
قومی سلامتی کوں لاحق کہیں وی خطرے نال نمٹݨ کیتے ہمیشہ تیار رہݨا چاہیدے، آرمی چیف جنرل سید عاصم منیر دا کورکمانڈرز کانفرنس نال خطاب
مزید خبراں
راولپنڈی۔17جولائی(اے پی پی):پاک فوج دے سربراہ جنرل سید عاصم منیر آکھیے جو معروضی تربیت ساݙیاں پیشہ ورانہ مہارت دا خاصہ اے، ساکوں قومی سلامتی کوں لاحق کہیں وی خطرے نال نمٹݨ کیتے ہمیشہ تیار رہݨا چاہیدے۔ او کورکمانڈرز کانفرنس نال خطاب کریندے پئے ہن۔ 258 ویں کور کمانڈرز کانفرنس اچ مادر وطن دے دفاع کیتے بہادر سپاہیاں دی مسلسل قربانیاں کوں زبردست خراج تحسین پیش کیتا ڳئے۔ شرکاء کوں داخلی سلامتی دی موجودہ صورتحال، فوج دی آپریشنل تیاریاں اتے تربیتی پہلواں تے غور تھیا اتے ݙسایا ڳیا جو کالعدم ٹی ٹی پی اتے ٻیاں دہشت گرد تنظیماں دیاں ہمسایہ ملک اچ کمیں گاہیں ہین، ٹی ٹی پی اتے ٻئے دہشت گرد گروپ پاکستان اچ مسلے ودھیندے پن۔ کور کمانڈرز کانفرنس اچ معاشی بحالی دے منصوبے، سرمایہ کاری سہولت کونسل دے دائرہ کار دی تفصیل ݙسائی ڳئی۔ زراعت، آئی ٹی، معدنیات، دفاعی پیداواری شعباں اچ ترقی کیتے فوج دے کردار تے وی بریفنگ ݙتی گئی۔ کانفرنس دے شرکاء حکومت دی معاشی بحالی کیتے حکمت عملی دا ہتھ ونݙاوݨ دا عزم دوہرایا۔
