وزیرِ اعظم شہباز شریف اڄ سپیشل اکنامک زون داسنگ بنیاد،  یوتھ سپورٹس انیشی ایٹودا آغاز کریسن

اسلام آباد۔18جولائی(اے پی پی):وزیرِ اعظم محمد شہباز شریف اڄ سپیشل اکنامک زون داسنگ بنیاد،پورے ملک اچ کھیݙاں دی ترقی تے نینگراں کوں کھیݙاں اچ عالمی معیار دی سہولیات ݙیوݨ کیتے اسلام آباد اچ وزیرِ اعظم یوتھ سپورٹس انیشی ایٹودا آغاز کریسن ۔ وزیر اعظم آفس میڈیا ونگ توں جاری بیان موجب وزیرِ اعظم یوتھ سپورٹس ترقیاتی اقدامات دے تحت، وزیرِ اعظم پاکستان اچ کھلاڑیاں کوں عالمی مقابلیں کیتے تیار کرݨ کیتے عالمی معیار دی سہولت ݙیوݨ دے نال نال ملک اچ کھیݙاں دی ترقی اتے کھلاڑیاں کیتے سپورٹس انڈوومنٹ فنڈ دا اجراء کریسن ۔ایں توں انڄ وزیرِ اعظم اسلام آباد اچ پاکستان دی پہلی سپورٹس یونیورسٹی، بہترین کارکردگی ݙکھاوݨ آلے کھلاڑیاں دی مدد کیتے ایلیٹ سپورٹس پرسن ڈویلپمنٹ پروگرام اتے مقامی کھیݙاں دے نال نال بین الاقوامی سطح تے تکھے شہرت پیندی ای-سپورٹس دے ودھارے دے اقدامات دا وی اجراء کریسن ۔وزیرِ اعظم تقریب توں خطاب وی کریسن ۔وزیرِ اعظم اڄ اسلام آباد اچ سمندر پار پاکستانیاں دے موبائل فونز کیتے عارضی-رجسٹریشن-نظام دا اجراء کریسن ۔سمندر پار پاکستانیاں دی نشاندہی تے انہاں دے پاکستان اچ قیام دے دوران ذاتی موبائل فون تے ٹیکس دی معیاد کوں 2 مہینے توں ودھا تے 120 ݙینھ کرݨ دے نال نال ایں کیتے ھک خودکار نظام دا اجراء کیتا ویندا پئے جیڑھا جو انہاں کیتے آئی ایم ای آئی کوں پاکستان دے عارضی دوریں دے دوران بلاک تھیوݨ تے انہاں کوں اضافی ٹیکس جمع کراوݨ توں بچیسی ۔وزیرِ اعظم اڄ اسلام آباد ماڈل اسپیشل اکنامک زون دا سنگِ بنیاد رکھیسن۔