عمران خان سائفر دا غلط استعمال کرتے قومی سلامتی کوں دا تے لاوݨ دی کوشش کیتی اے، وفاقی وزیر قانون و انصاف اعظم نذیر تارڑ دی پریس کانفرنس

اسلام آباد۔20جولائی(اے پی پی):وفاقی وزیر قانون و انصاف اعظم نذیر تارڑ آکھیے جو سابق وزیراعظم عمران خان سائفر دا غلط استعمال کرتے قومی سلامتی کوں دا تے لاوݨ دی کوشش کیتی اے، چیئرمین پی ٹی آئی سائفر متعلقہ محکمیاں کوں وی نئیں ولا ݙتا، جیندے تے ایف آئی اے آفیشل سیکرٹ ایکٹ دے تحت کارروائی کریندی پئی اے، عسکری تنصیبات تے حملہ کرݨ آلیاں دے خلاف کارروائی آرمی ایکٹ دے تحت تھیندی اے۔ پریس کانفرنس اچ انہاں آکھیا جو سائفر دا معاملہ اہم اتے قومی اہمیت دا اے، اے وفاقی کابینہ، قومی سلامتی کمیٹی اجلاس اچ وی چاتا ڳئے، بعد اچ وزیراعظم عمران خان سائفر اپݨے ہتھیکے کر قھدے اتے ہک جلسے اچ ݙکھائے اتے سائفر متعلقہ محکمیاں کوں نئیں ولا ݙتا، اینڄھے کلاسیفائیڈ دستاویزات پبلک نئیں کیتاں ونڄ سڳدیاں اتے کوڈد ہوندن، ایں معاملے تے قومی سلامتی کوں نظرانداز کیتا ڳئے، معاملہ قانون دے مطابق انکوائری کیتے ایف آئی اے کوں ٻھیڄے، ایف آئی اے سابق وزیراعظم کوں سݙ ڳھدے جیکوں عمران خان لاہور ہائیکورٹ اچ چیلنج کرݙتے اتے عدالت ایندے تے حکم امتناع ݙے ݙتے، خجھ ݙینھ پہلے اے سٹے مکیے، سابق وزیراعظم دے پرنسپل سیکرٹری اعظم خان متعلقہ محکمہ توں اے کاغذات عمران خان کوں ݙتے ہن، عمران خان اے دستاویزات سیاسی مقاصد کیتے غلط استعمال کیتن۔ وفاقی وزیر قانون آکھیے جو حکومت آئینی، قانونی و اخلاقی ذمہ داری پوری کریندے اے معاملہ ایف آئی اے کوں ٻھیڄ ݙتے، عمران خان ایف آئی اے انویسٹی گیشن ٹیم اچ 25 مئی کوں پیش تھیوݨن اتے ایندے اعظم خان اہم گواہ ہین ڄئیں 164 دے تحت مجسٹریٹ کوں بیان ݙے ݙتے۔