مسلط شدہ شخص سائفر دے معاملے تے سنگین آئین شکنی کیتی، ذاتی سیاست تے مفاد کیتے قومی سلامتی اے ریاست کوں داؤ تے لاوݨ انہا دا وطیرہ اے، بلال اظہر کیانی

اسلام آباد۔21جولائی(اے پی پی):وزیراعظم دے رابطہ کار معیشت و توانائی  بلال اظہر کیانی آکھیے مسلط شدہ شخص تے مصنوعی سیاستدان سائفر دے معاملے تے سنگین آئین شکنی کیتی، ذاتی سیاست تے مفاد کیتے قومی سلامتی اے ریاست کوں داؤ تے لاوݨ انہا دا وطیرہ اے، توشہ خانہ ،فارن فنڈنگ، سائفر اتے ٻئے مقدمیں توں خود ضمانتاں  کیتے بھڄدا رہیے جݙاں جو کارکناں کوں جیل ونڄݨ دی ترغیب ݙیندا رہیے ۔اتھاں پریس کانفرنس کریندے ہوئیں بلال اظہر کیانی آکھیے مسلط شدہ شخص سائفر تے سنگین آئین شکنی کیتی اے ۔  انہاں آکھیے گزریل سال کامیاب عدم اعتماد دے ذریعے  تے آئینی طریقے نال  غیر آئینی طورتے مسلط شدہ شخص ہٹایا ڳیا  تاں اوں بندے سائفر دا ڈرامہ کریندے ہوئیں سنگین آئین شکنی کیتی ۔ اساں اوں ویلھے وی آکھیا ہئی جو ھک کوڑا بندہ اے جیڑھا ذاتی سیاست تے مفاد کیتے قومی سلامتی تے ریاست کوں داؤ تے لیندا پئے ، اعظم خان جیڑھا بیان ݙتے او ساݙے سچ تے مہر تے تصدیق اے ۔ آئین بھنݨ ایں مسلط شدہ بندے تے مصنوعی سیاستدان دی روایت اے۔ ایندی ساری سیاست آئین بھنݨ تے گھمدی اے ۔2014 دے دھرنیں اچ ایں بندے سفارتی تعلقات داؤ تے لاوݨ توں نہ ہٹیا ہئی ۔ بلال اظہر کیانی آکھیے سابق وزیراعظم نواز شریف کوں غیر آئینی  طریقے نال ہٹاوݨ اچ ریاستی ستوناں دا استعمال کیتا ڳیا ۔ نواز شریف کوں ہٹاوݨ کیتے ول ول آئین بھنیا ڳیا ۔ آر ٹی ایس کوں مٹیا یا ڳیا ۔