دوائیں دی قلت دیاں شکایتاں درج کراوݨ سانڳے موبائل ایپ لانچ کیتی ویسی ،ڈاکٹر ندیم جان

اسلام آباد۔22اگست(اے پی پی) نگران وفاقی وزیر صحت ڈاکٹر ندیم جان آکھیے گھٹ ویلھے اچ ڈریپ دی کارکردگی کوں چنڳاں کرݨ تے موثر حکمت عملی بݨا تے آیاں ،عوام دی فلاح بہبود میݙا ایجنڈا تے مشن اے،دوائیں دی کوالٹی تے معیار تے سمجھوتہ نہ کریسوں ۔ اے ڳالھ انہاں آپݨی صدارت اچ ڈرگ ریگولیٹری اتھارٹی دے اجلاس اچ آکھی اے ۔ ایں موقع تے سیکرٹری صحت افتخار شلوانی، ایڈیشنل سیکرٹری کامران رحمان وی موجود ہن۔اجلاس اچ چیف ایگزیکٹو افسر ڈریپ وزیر صحت کوں بریفنگ ݙتی۔وزیر صحت کوں ڈریپ دے فنکشن چیلنجز تے کارکردگی دا ݙسیا ڳئے ۔ ڈاکٹر ندیم جان صحت دے شعبے دی بہتری اتے شہریاں دی صحت دے تحفظ کیتے آپݨے غیر متزلزل عزم تے زور ݙتا ۔ انہاں آکھیے گھٹ مدت اچ ڈریپ دی کارکردگی کوں بہتر کرݨ سانڳے موثر حکمت عملی بݨا تے آیاں ۔ ایں حکمت عملی نال ڈریپ دی کارکردگی تے دوائیں دے نظام اچ یقیناً بہتری آسی ۔ نگران وزیر صحت آکھیے عوام دی فلاح وبہبود میݙا ایجنڈا اتے مشن اے۔دوائیں دی کوالٹی تے معیار تے سمجھوتہ نہ کریسوں ۔ دوائیں دی ایکسپورٹ ودھاوݨ کیتے اقدامات کیتے ویسن ۔پاکستان دی مارکیٹ اچ ٻہوں پوٹینشل اے۔دوائیں دی برآمدات کوں چنڳیاں کوششاں نال ݙوگنا کیتا ونڄ سڳدے ۔