صدر مملکت ڈاکٹر عارف علوی دی بینکنگ فراڈ متاثرین کوں 41 لکھ روپے واپس ݙیوݨ دی ہدایت

اسلام آباد۔23اگست  (اے پی پی) صدر مملکت ڈاکٹر عارف علوی فراڈ متاثرین کوں 41 لکھ روپے واپس ݙواوݨ دی ہدایت ݙیندیں ہوئیں بینکنگ محتسب دے فیصلیاں دے خلاف مسلم کمرشل بینک دی 3 اتے الائیڈ بینک دی ہک اپیل مسترد کر ݙتی اے۔ بدھ کوں ایوان صدر دے پریس ونگ توں جاری بیان موجب صدرمملکت اپیلاں کوں مسترد کریندیں وہئیں آکھیا جو بینکاں آن لائن فنڈ زٹرانسفر بارے سٹیٹ بینک دے اصولاں کوں منݨ اچ وسلائی کیتی اتے صارفین دی رضامندی دے بغیر الیکٹرانک فنڈز ٹرانسفرسہولت کوں چالو کیتا۔ تفصیل موجب ݙونجی بینکاں دے چار صارفین دے بینک اکاؤنٹس توں جعلسازی نال رقم کݙھوا ڳھدی ہئی۔ تفصیل موجب سمیرا اللہ دتہ، افضال عباس کاظمی، فرح محمد خان، اتے ڈاکٹر کنور شکیل احمد (شکایت کنندگان) کوں بالترتیب 15 لکھ ، 9 لکھ 85 ہزار ، 9 لکھ 60 ہزار اتے 5 لکھ 98 ہزار روپے دا ضیان تھیے۔ صدر مملکت ڈاکٹر عارف علوی دی بینکنگ فراڈ متاثرین کوں 41 لکھ روپے واپس ݙیوݨ دی ہدایت کیتی اے۔