راولپنڈی۔23اگست(اے پی پی)پاک فوج دے سربراہ جنرل سید عاصم منیر آکھیے جو پاکستان کوں غیرمستحکم کرݨ دے دشمن ایجنڈے کیتے کم کرݨ آلے دہشت گرداں، انہاں دے ٻانھ ٻیلاں دے ریاست دے اڳو ہتھیار سٹݨ تئیں پچھا کیتا ویسی۔ آئی ایس پی آر دے مطابق آرمی چیف جنرل سید عاصم منیر جنوبی وزیرستان دے علاقے آسمان منزہ دے نیڑے شیروانگی دا دورہ کیتے جتھاں کل پاک فوج دے 6 جوان …
آرمی چیف جنرل سید عاصم منیر دا جنوبی وزیرستان دے علاقہ آسمان منزہ دے نیڑے شیروانگی دا دورہ
راولپنڈی۔23اگست(اے پی پی)پاک فوج دے سربراہ جنرل سید عاصم منیر آکھیے جو پاکستان کوں غیرمستحکم کرݨ دے دشمن ایجنڈے کیتے کم کرݨ آلے دہشت گرداں، انہاں دے ٻانھ ٻیلاں دے ریاست دے اڳو ہتھیار سٹݨ تئیں پچھا کیتا ویسی۔ آئی ایس پی آر دے مطابق آرمی چیف جنرل سید عاصم منیر جنوبی وزیرستان دے علاقے آسمان منزہ دے نیڑے شیروانگی دا دورہ کیتے جتھاں کل پاک فوج دے 6 جوان دہشتگرداں دا بہادری نال مقابلہ کریندے شہید تھئے ہن۔ شیروانگی اچ آرمی چیف کوں موجودہ انٹیلی جنس اتے انسداد دہشت گردی دیاں کارروائیاں سودھا اڄوکی سکیورٹی صورتحال تے تفصیلی بریفنگ ݙتی ڳئی۔ آرمی چیف علاقے اچ افسران اتے فوجیاں نال وی الائے اتے دہشت گردی دی لعنت مکاؤݨ کیتے انہاں دے عزم دی تعریف کیتی جو شہید ساݙا ماݨ ہین اتے ملک اچ مکمل امن و استحکام ولݨ تئیں انہاں دیاں قربانیاں نا ونڄیسن۔
