موسمیاتی تبدیلی دے مسائل نال نمٹݨ کیتے سیاست توں ہٹ تے قومی جذبے نال کم کرݨا ہوسی، نگراں وزیراعظم انوارالحق کاکڑ

اسلام آباد۔23اگست(اے پی پی)نگراں وزیراعظم انوارالحق کاکڑ آکھیے جو موسمیاتی تبدیلی دے منفی اثرات توں محفوظ رہݨ کیتے موثر اقدامات ضروری ہین، پاکستان موسمیاتی تبدیلی دے اثرات نال ودھ متاثر تھئے، موسمیاتی تبدیلی دے مسائل نال نمٹݨ کیتے سیاست توں ہٹ تے قومی جذبے نال کم کرݨا ہوسی،۔ اے ڳالھ انہاں شجرکاری مہم دی تقریب نال خطاب اچ آکھی جو اسلامی تعلیمات نال ساکوں حقوق العباد، حقوق اللہ اتے نباتات دے حقوق دا سبق ملدے، موسمیاتی تبدیلی نال نٻݨݨ کیتے ایندے تے ودھ توجہ ݙیوݨی ہوسی، آلودگی اتے ماحول متاثر کرݨ آلے عوامل نال منفی اثرات پوندن جئیں پاروں سیلاب، زلزلہ یا ٻنھاں قدرتی آفات سامݨے آندن، ساکوں موسمیاتی تبدیلی دے مسلے نال نمٹݨ کیتے قومی جذبے نال کم کرݨا ہوسی، سیاسی جماعتاں، سول سوسائٹی اتے ٻئے فریقین کوں موسمیاتی تبدیلی مسلہ دے حل کوں اڳونہی ݙیوݨی ہوسی، سارے ملکی اداریاں کوں ایندے کیتے کم کرݨا ہوسی، وسائل ݙیوݨ، موسمیاتی تبدیلی دے منفی اثرات توں بچݨ کیتے اقدامات سانڳے عالمی برادری کوں وی اپݨا کردار ادا کرݨا ہوسی۔