چھل دی پیشگی چتاوݨی ݙیوݨ دے نظام کوں چنڳاں بݨا تے ضیان تے بچیا ونڄ سڳدے ، احمد عرفان اسلم

اسلام آباد۔29اگست(اے پی پی) نگران وفاقی وزیر آبی وسائل احمد عرفان اسلم آکھیے چھل دی تباہ کاریاں توں بچݨ کیتے فول پروف انتظامات دی لوڑھ اے ۔ ایشیائی ترقیاتی بینک دے تعاون نال فلڈ مینجمنٹ منصوبے تے کم اڳوں ودھاوݨ اچ مدد ملی اے ، پچھلے 20 سال اچ دنیا اچ قدرتی آفتاں توں 2.9 ٹریلین ڈالر دا ضیان تھئے،چھل آلی تباہی دی وختی چتاوݨی دے نظام کوں چنڳاں بݨا تے وݙے پیمانے تے ضیان توں بچیا ونڄ سڳدے ۔ اے ڳالھ انہاں منڳل کوں اتھاں”قومی ماسٹر پلان فلڈ ٹیلی میٹری ” دے اجرا دی تقریب توں  خطاب اچ آکھی اے ۔ تقریب توں خطاب اچ نگران وفاقی وزیر آکھیے چھل نال ہر سال ٻہوں وݙا ضیان تھیندے۔ چھل توں بچݨ کیتے احتیاطی اقدامات ٻہوں ضروری ہن ایندے نال نال زمین دے تلے وی پاݨی دی سطح گھٹ ڳئی اے۔