شعبہ صحافت دا قومی یکجہتی دے ودھارے کیتے ٻہوں اہم کردار اے، ایم ڈی اے پی پی، پی آئی او محمد عاصم کھچی دا پی ایف یو جے دی تربیتی ورکشاپ نال خطاب

اسلام آباد۔29اگست(اے پی پی) پاکستان فیڈرل یونین آف جرنلسٹس ورکرز ولوں بلوچستان دے صحافیوں کیتے تربیتی ورکشاپ تھئی جیندے مہمان خصوصی پرنسپل انفارمیشن آفیسر اتے منیجنگ ڈائریکٹر اے پی پی محمد عاصم کھچی ہن۔ ورکشاپ نال خطاب کریندے انہاں آکھیا جو صحافت دا شعبہ قومی زندگی اچ ٻہوں اہم اے، خاص کر بلوچستان دے صحافیاں دیاں صلاحیتاں اٻھارݨ کیتے اے ورکشاپ ہک نعمت اے، ملک دے دور پار دے علاقیاں کوں قومی دھارے اچ رلاوݨ اتے مسلیاں دے حل کیتے رل مل تے کوششاں کرݨیاں ہوسن، ساکوں اپݨیاں محرومیاں کوں کمزوری نئیں ٻݨاوݨا چاہیدا ٻھل اپݨے کم نال اڳو تے ودھݨا چاہیدے، امید اے ایں ورکشاپ نال بلوچستان دی صحافیاں کوں فیدہ تھیسی اتے ٻھرا ٻھرا بھرپی ودھاوݨ اچ مدد ملسی اتے شرکا پنجاب اتے وفاق توں پیار محبت دا سنیہا ڳھن تے ویسن اتے اے سنیہا قلم دے محابے عوام تئیں پڄسی۔ تربیتی ورکشاپ اچ پی ایف یو جے ورکرز دے صدر پرویز شوکت، سینئر صحافی ظفر محمود شیخ، پی ایف یو جے ورکرز اسلام آباد دے نائب صدور طاہر راٹھور، ڈاکٹر سعدیہ کمال، عرفان آرائیں، گوجرانوالہ یونین آف جرنلسٹس دے صدر ملک توصیف وی خطاب کیتا۔ ورکشاپ اچ بلوچستان دے صحافیاں غلام حسین، مختار احمد، فیض محمد نچاری، مقبول احمد، ضیاءالرحمن، اسرار احمد، شعیب افضل اتے محبوب احمد وی ڳالھ مہاڑ کیتی۔