اسلام آباد۔30اگست(اے پی پی) صدر مملکت ڈاکٹر عارف علوی دی ذال بیگم ثمینہ عارف علوی پرے دے علاقیں اچ تریمتاں کوں چھاتی دے سرطان دی وختی تشخیص سانڳے رضاکارانہ طور تے آپݨا معائنہ خود کرݨ دی ترغیب ݙیوݨ سانڳے آگاہی مہم کوں ودھاوݨ اچ میڈیا دے تعاون دی تعریف کیتی۔ آپݨے انٹرویو اچ انہاں خاص طور تے ملک دے پرے دے علاقیں اچ تریمتاں ،چھوہریں کوں بریسٹ کینسر دی …
ثمینہ عارف علوی دی طرفوں تریمتاں اچ چھاتی دے سرطان متعلق آگاہی ݙیوݨ تے میڈیا دے مثبت کردار دی تعریف
اسلام آباد۔30اگست(اے پی پی) صدر مملکت ڈاکٹر عارف علوی دی ذال بیگم ثمینہ عارف علوی پرے دے علاقیں اچ تریمتاں کوں چھاتی دے سرطان دی وختی تشخیص سانڳے رضاکارانہ طور تے آپݨا معائنہ خود کرݨ دی ترغیب ݙیوݨ سانڳے آگاہی مہم کوں ودھاوݨ اچ میڈیا دے تعاون دی تعریف کیتی۔ آپݨے انٹرویو اچ انہاں خاص طور تے ملک دے پرے دے علاقیں اچ تریمتاں ،چھوہریں کوں بریسٹ کینسر دی علامات، خود جانچ، تشخیص اتے علاج دے اختیارات بارے حساس بݨاوݨ سانڳے پرنٹ، الیکٹرانک اتے سوشل میڈیا دے ذریعے مسلسل عوامی آگاہی مہم چلاوݨ دی لوڑھ تے زور ݙتا ۔ انہاں مزید آکھیے پاکستان اچ تریمتاں چھاتی دے سرطان دی تشخیص اتے علاج بارے مناسب آگاہی دا فقدان اے جیں دی وجہ ٻہوں ساریاں رکاوٹاں ہن، تاں جو ہݨ تریمتاں ٻہوں زیادہ پراعتماد ہن تے ابتدائی مرحلے اچ ڈاکٹراں نال رجوع کریندن ۔
