اسلام آباد۔31اگست(اے پی پی) نگران وفاقی وزیر تجارت، صنعت و پیداوار ڈاکٹر گوہر اعجاز نال سعودی عرب دے سفیر نواف بن سعید احمد المالکی ملاقات کیتی ،سانجھی دلچسپی اتے ݙو پاسے تعاون دے امور تے ڳالھ مہاڑ کیتی ڳئی ۔ وزارت تجارت ،صنعت وپیداوارتوں جاری بیان موجب ملاقات اچ سفیر نواف ڈاکٹر گوہر کوں انہاں دی اڄوکی تقرری تے مبارخ ݙتی ۔ ڈاکٹر گوہر ݙوہیں ملکاں وچال تکڑے تاریخی …
نگران وفاقی وزیر تجارت، صنعت و پیداوار نال سعودی عرب دے سفیردی ملاقات
اسلام آباد۔31اگست(اے پی پی) نگران وفاقی وزیر تجارت، صنعت و پیداوار ڈاکٹر گوہر اعجاز نال سعودی عرب دے سفیر نواف بن سعید احمد المالکی ملاقات کیتی ،سانجھی دلچسپی اتے ݙو پاسے تعاون دے امور تے ڳالھ مہاڑ کیتی ڳئی ۔ وزارت تجارت ،صنعت وپیداوارتوں جاری بیان موجب ملاقات اچ سفیر نواف ڈاکٹر گوہر کوں انہاں دی اڄوکی تقرری تے مبارخ ݙتی ۔ ڈاکٹر گوہر ݙوہیں ملکاں وچال تکڑے تاریخی تعلقات تے ڳالھ کریندے ہوئیں آکھیے جو پاکستان دے معاشی استحکام تے ترقی اچ سعودی عرب دی مسلسل حمایت تے شکریہ ادا کریندوں۔ سفیر سعودی عرب اتے پاکستان وچال بھرپی دے رشتے تے زور ݙتا جیں اچ سانجھے اعتماد دے ݙو پاسے تے علاقائی معاملات تے تعاون اے۔ انہاں ملک دے تجارتی امکانات کوں ودھاوݨ کیتے وزیر دیاں کوششاں دی وی تعریف کیتی اے ۔ ملاقات اچ ڈاکٹر گوہر اعجاز سفیر نواف دا وزارت تجارت اچ خیرمقدم کریندے ہوئیں جذبہ خیر سگالی دے طور تے ھک سووینئر وی پیش کیتے۔
