خصوصی سرمایہ کار سہولت کونسل دے ذریعے سرمایہ کاری کوں ودھاݨ کیتے آئی ٹی ، زراعت، کان کنی اتے دفاعی پیداوارسودھے ترجیحی شعبیں اچ اقدامات کرݨے ہوسن ، نگران وزیراعظم انوار الحق کاکڑ

اسلام آباد۔1ستمبر(اے پی پی) نگران وزیراعظم انوار الحق کاکڑ آکھیے خصوصی سرمایہ کار سہولت کونسل دے ذریعے سرمایہ کاری کوں ودھاوݨ کیتےآئی ٹی ، زراعت، کان کنی اتے دفاعی پیداوار سودھے ترجیحی شعبیں اچ اقدامات کرݨے ہوسن ،ملک دی ترقی کیتے رل تے پختہ عزم دے نال کم کرݨ دی لوڑھ اے ، ملک اچ انتخابات کراوݨ الیکشن کمیشن داکم اے، نگران کابینہ اچ بہترین لوکاں دا انتخاب کیتا ڳئے ۔ اے ڳالھ انہاں سینئر صحافیاں اتے اینکرز نال ڳالھ مہاڑ کریندے ہوئیں آکھی اے ۔ نگران وزیراعظم خصوصی سرمایہ کاری سہولت کونسل متعلق سوالاں دا جواب ݙیندے ہوئیں آکھیے نگران کابینہ اچ بہترین لوکاں دا انتخاب کیتا ڳئے ۔سیاست دی بنیاد تے معاشی حالات دی تصویر  کشی کیتی ڳئی ۔ انہاں آکھیے نگران حکومت معاشی مسئلیں دے حل سانڳے کوشاں  اے۔ خصوصی  سرمایہ کار سہولت  کونسل دے ذریعے سرمایہ کاری کوں ودھارا ݙتا ویسی ۔ سرمایہ کاری کیتے اہم ترجیحی شعبیں دی نشاندہی کیتی ڳئی اے ۔ آئی ٹی ، زراعت، کان کنی اتے دفاعی پیداوار دے شعبیں اچ منصوبے اڳوں ودھیسن ۔ نگران وزیراعظم آکھیے دنیا معدنی ذرائع  کوں بروئے کار گھن آتے اپݨی معیشتاں کوں مضبوط  کیتا۔ معدنی شعبے اچ 5 توں 6 ٹریلین ڈالر دی صلاحیت موجود اے۔ انہاں آکھیے زرعی شعبے دی  ترقی کیتے جدید طرز تے کم تھیندا پئے۔ دفاعی پیداوار دے شعبہ دی صلاحیت کوں وی ودھیندے پیوں ۔ نگران وزیراعظم آکھیے رل تے پختہ عزم نال ملکی ترقی سانڳے کم کرݨا ہوسی ۔ انہاں ٹیکس محصولات دے نظام اچ ترتیب گھن آوݨ دی لوڑھ تے زور ݙیندے ہوئیں آکھیے ایس آئی  ایف سی دے تحت 60 توں 70 بلین ڈالرزدی سرمایہ کاری دی امید اے۔ انہاں آکھیے پاکستان قدرتی وسائل توں مالا مال اے۔ ریکوڈک 700 بلین ڈالر توں ودھ دا منصوبہ اے۔