اسلام آباد۔1ستمبر (اے پی پی):پاکستان ممتاز کشمیری رہنما سید علی گیلانی کوں انہاں دی ݙوجھی برسی تے شاندار الفاظ اچ خراج عقیدت پیش کریندے ہوئیں آکھیے سید علی گیلانی کوں کشمیر اتے پاکستان سانڳے انہاں دی بے مثال قربانیاں اتے غیر مشروط محبت سانڳے یاد رکھیا ویسی ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے سید علی گیلانی کشمیریاں دی اپݨے حقوق اتے آزادی دی …
سید علی گیلانی کوں کشمیر اتے پاکستان کیتے انہاں دی بے مثال قربانیاں اتے غیر مشروط محبت سانڳے یاد رکھیا ویسی ، ترجمان دفتر خارجہ
اسلام آباد۔1ستمبر (اے پی پی):پاکستان ممتاز کشمیری رہنما سید علی گیلانی کوں انہاں دی ݙوجھی برسی تے شاندار الفاظ اچ خراج عقیدت پیش کریندے ہوئیں آکھیے سید علی گیلانی کوں کشمیر اتے پاکستان سانڳے انہاں دی بے مثال قربانیاں اتے غیر مشروط محبت سانڳے یاد رکھیا ویسی ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے سید علی گیلانی کشمیریاں دی اپݨے حقوق اتے آزادی دی جدوجہد دی حقیقی آواز اتے چہرہ ہن ۔ ترجمان آکھیے بھارت دے مسلسل ظلم تے زبردست ذاتی اوکھ دے باوجود کشمیریاں دے حق خودارادیت سانڳٖ انہاں دی غیر متزلزل جڑت کشمیریاں دی نسلاں کوں بھارتی قبضے اتے ظلم دے خلاف مزاحمت کرݨ دی تحریک ݙتی ۔ انہاں آکھیے سید علی گیلانی دی پوری زندگی دی لڳن کوں زبردست خراج تحسین پیش کریندوں تے بھارت دے غیر قانونی قبضے وچ جموں تے کشمیر دے لوکاں سانڳے آپݨی حمایت دا اعادہ کریندوں ۔
