اسلام آباد۔1ستمبر(اے پی پی):چیئرمین سینیٹ محمد صادق سنجرانی دی صدارت اچ انٹرنیشنل پارلیمنٹرینز کانگریس (آئی پی سی) دا اجلاس پپس اچ منعقد تھیا۔ اجلاس اچ آئی پی سی کوں فعال بݨاوݨ دے حوالے نال اہم امور تے ڳالھ مہاڑ تھئی ۔آئی پی سی دے نمائندے آئی پی سی دی کارکردگی اتے مستقبل دے لائحہ عمل بارے صدر آئی پی سی کوں مفصل بریفنگ ݙتی۔ سینٹ سیکرٹریٹ موجب اجلاس اچ …
چیئرمین سینیٹ صادق سنجرانی دی صدارت اچ انٹرنیشنل پارلیمنٹرینز کانگریس دا اجلاس
اسلام آباد۔1ستمبر(اے پی پی):چیئرمین سینیٹ محمد صادق سنجرانی دی صدارت اچ انٹرنیشنل پارلیمنٹرینز کانگریس (آئی پی سی) دا اجلاس پپس اچ منعقد تھیا۔ اجلاس اچ آئی پی سی کوں فعال بݨاوݨ دے حوالے نال اہم امور تے ڳالھ مہاڑ تھئی ۔آئی پی سی دے نمائندے آئی پی سی دی کارکردگی اتے مستقبل دے لائحہ عمل بارے صدر آئی پی سی کوں مفصل بریفنگ ݙتی۔ سینٹ سیکرٹریٹ موجب اجلاس اچ آئی پی سی متعلق مندرجہ ذیل اہم موضوعات تے غور کیتا ڳئے ۔ اجلاس اچ آئی پی سی دے سیکرٹری جنرل ستارہ ایاز اتے آئی پی یو دے صدر ڈوارٹے پچیکو وچال آئی پی سی دے آپریشنز اتے کارکردگی کوں چنڳاں کرݨ دے حوالے نال اڄوکی ملاقات دا شرکا کوں ݙسائے ۔ آئی پی سی دے صدر اتے نائب صدر دیاں ذمہ واریاں دا تعین کرݨ دے نال نال آئی پی سی دے ایگزیکٹو دے انتخاب تے طریقہ کار بحث دا ھک مرکزی نقطہ رہیا۔ اجلاس اچ آئی پی سی دے مستقل ہیڈ کوارٹر دی تعمیر دے منصوبے اتے فنڈنگ تے ڳالھ مہاڑ تھئی ۔صدرآئی پی سی آکھیے آئی پی سی دے آئین تے رولز دے حوالے نال ھک ڈرافٹ تیار کیتا ویسی جیں تے اڳلے اجلاس اچ تفصیلی ڳالھ مہاڑ تھیسی ۔آئی پی سی دے بجٹ اتے ادارے کیتے درکار مالیاتی فریم ورک تے وی اجلاس اچ تفصیلی ڳالھ مہاڑ تھئی ۔
