شاہ عبداللطیف بھٹائی اپݨی شاعری اچ دنیا کوں انسانیت دا درس ݙتا، غریب ، لاچارتے مظلوم عوام دی حمایت اچ آواز چاتی، نگراں وفاقی وزیر اطلاعات مرتضیٰ سولنگی دا شاہ عبداللطیف بھٹائی دے 280 ویں عرس تے سنھیا

اسلام آباد۔1ستمبر(اے پی پی)نگراں وفاقی وزیر اطلاعات و نشریات مرتضیٰ سولنگی آکھیے شاہ عبداللطیف بھٹائی اپݨی شاعری اچ دنیا کوں انسانیت دا درس ݙتا، غریب ، لاچارتے مظلوم عوام دی حمایت اچ آواز چاتی ، اپݨی ابیات توں عوامی امنگاں دی ترجمانی اتے جستجوئے حق سانڳے رہنمائی کیتی۔ شاہ عبدالطیف بھٹائی دے 280 ویں عرس مبارک دے موقع تے آپݨے ٹویٹ اچ نگراں وفاقی وزیر اطلاعات آکھیے سرتاج الشعراءبرگزیدہ ہستی، صاحب ِجلال و جمال، شاعرِ عوام شاہ عبدالطیف بھٹائی سئیں دا 280 واں عرس مبارک آپ دی قائم کیتی ڳئی جھیل کراڑ دے کنارے بھٹ شاہ اچ شروع تھی ڳئے ۔ شاہ عبدالطیف بھٹائی کیا خوب فرمایا ہئی”سارِي راتِ سُبحانُ، جاڳِي جَنِ ياد ڪيو،اُنِ جي عبداللطيفُ چئي، مِٽيءَ لڌو مانُ،ڪوڙين ڪَنِ سلامُ، آڳھِ اَچيو اُنِ جي.“ (سُر سريراڳ) انہاں آکھیے شاہ عبدالطیف بھٹائی دے مجموعہ کلام دا ناں ”شاہ جو رسالو“ یعنی ”پیغامِ لطیف“ اے جیں دا خلاصہ اے ہے جو ”عالم سب آباد کرو“۔ آپ دا او شعر ایویں ہے! (سانئِيَمِ! سَدائِين ڪَرِين، مَٿي سِنڌُ سُڪارَ؛ ۔۔۔۔۔ دوست! مِٺا دِلدارَ، عالَمُ سَڀِ آبادِ ڪَرِين) ”سُر سارنگ“ (میݙی سندھڑی تے وی سائیں رحمت ہووے ہر وار۔۔۔۔۔دوست میرے دلدار، عالم سب آباد کرو)۔ نگراں وفاقی وزیر اطلاعات آکھیے سندھ دھرتی تے ڄمݨ آلے شاہ سائیں دا پیغام سارے اقوام عالم کیتے اے جیڑھا آفاقی اے، فروغِ محبت، فروغِ انسانیت اتے درسِ جدوجہد توں مالا مال اے۔ مرتضیٰ سولنگی آکھیے شاہ سائیں دے 280 ویں عرس مبارک تے لطیف سائیں دے فقیراں کوں میݙا سلام پڄے۔