اسلام آباد۔1ستمبر(اے پی پی) نگراں وزیراعظم انوار الحق کاکڑ کسٹمز حکام اتے قانون نافذ کرݨ آلے اداریں کوں ملک توں کھنڈ ، پٹرولیم مصنوعات، یوریا، زرعی اجناس اتے ٻیاں چیزاں دی سمگلنگ سختی نال روکݨ دی ہدایت کیتی اے ۔ انہاں آکھیے بلوچستان اچ سمگلنگ اچ ملوث سرکاری افسران دی انٹر ایجنسی رپورٹ بݨائی ویسی، انہاں دے خلاف کارروائی کریندے ہوئیں انہاں کوں سزا ݙتی ونڄے ۔ انہاں اے …
نگراں وزیراعظم دی ملک توں کھنڈ ، پٹرولیم مصنوعات، یوریا، زرعی اجناس اتے ٻیاں چیزاں دی سمگلنگ سختی نال روکݨ دی ہدایت
اسلام آباد۔1ستمبر(اے پی پی) نگراں وزیراعظم انوار الحق کاکڑ کسٹمز حکام اتے قانون نافذ کرݨ آلے اداریں کوں ملک توں کھنڈ ، پٹرولیم مصنوعات، یوریا، زرعی اجناس اتے ٻیاں چیزاں دی سمگلنگ سختی نال روکݨ دی ہدایت کیتی اے ۔ انہاں آکھیے بلوچستان اچ سمگلنگ اچ ملوث سرکاری افسران دی انٹر ایجنسی رپورٹ بݨائی ویسی، انہاں دے خلاف کارروائی کریندے ہوئیں انہاں کوں سزا ݙتی ونڄے ۔ انہاں اے وی ہدایت کیتی اے جو ایران نال بارڈر مارکیٹس کوں مزید فعال کیتا ونڄے تاں جو تجارت باقاعدہ دستاویزی عمل نال ممکن تھی سڳے۔ وزیراعظم آفس دے میڈیا ونگ توں جاری بیان موجب نگراں وزیراعظم انوار الحق کاکڑ دی صدارت اچ ملک اچ سمگلنگ روکݨ سانڳے اعلیٰ سطحی اجلاس تھیا ۔ اجلاس اچ وزیراعظم کوں پورے ملک خاص طور تے سرحدی علاقیں اچ مختلف چیزاں دی سمگلنگ دی صورتحال اتے روکݨ سانڳے چاتے ڳئے اقدامات تے بریفنگ ݙتی ڳئی ۔ وزیراعظم کسٹمز حکام اتے قانون نافذ کرݨ آلے اداریں کوں ملک اچ کھنڈ ، پٹرولیم مصنوعات، یوریا، زرعی اجناس اتے ٻیاں چیزاں دی سمگلنگ روکݨ دی سختی نال ہدایت کیتی ۔ اجلاس اچ نگراں وزیر تجارت گوہر اعجاز، نگراں وزیر داخلہ سرفراز احمد بگٹی، نگراں وزیر پٹرولیم محمد علی، مشیر وزیراعظم احد چیمہ، وفاقی سیکریٹریز، چیئرمین ایف بی آر اتے قانون نافذ کرݨ آلے اداریں دے اعلیٰ افسراں شرکت کیتی ۔ اجلاس اچ خیبر پختونخوا اتے بلوچستان دے صوبائی چیف سیکریٹریز اتے آئی جی پولیس بذریعہ ویڈیو لنک شرکت کیتی۔
