آندے چووی گھنٹے اچ کجھ جہیں تے مینھ وسݨ دا امکان اے ،محکمہ موسمیات

اسلام آباد۔3ستمبر(اے پی پی) آندے چووی گھنٹے اچ خیبر پختونخواہ، خطہ پوٹھوہار ،اسلام آباد، کشمیر اتے گلگت بلتستان اچ کجھ جہیں تے اندھاری/ تکھی ہوا تے کھمݨ دے نال مینھ وسݨ دا امکان اے ،ملک دے میدانی علاقیں اچ موسم گرم اتے رکھارہسی ۔ محکمہ موسمیات موجب گذریل 24 گھنٹے دے دوران ملک دے ودھ علاقیں اچ موسم گرم اتے رکھا رہیا جݙاں جو سیدو شریف 12، چراٹ، کاکول 8، مالم جبہ، پٹن 4، دیر 3،  بالاکوٹ 2، مظفرآباد (شہر 18، ایئرپورٹ 11)،  خضدار 10، استور 09، گلگت ، بونجی2 اتے سکردو اچ ھک ملی میٹر مینھ ریکارڈ کیتا ڳئے ۔ اتوار کوں  ریکارڈکیتے ڳئن ودھ توں ودھ درجہ حرارت دی رپورٹ موجب دالبندین 44اتے نوکنڈی اچ درجہ حرارت 43  ڈگری سینٹی گریڈ ریکارڈ کیتا ڳئے ۔