پاکستان سودھے دنیا اچ 5ستمبر کوں ’خیرات  دا عالمی ݙینھ‘ منایا ویسی

اسلام آباد۔3ستمبر(اے پی پی) اقوامِ متحدہ دے زیر اہتمام  پاکستان سودھے پوری دنیا اچ 5ستمبر کوں ’خیرات  دا عالمی ݙینھ‘ منایا  ویسی۔ ایں ݙینھ دی مناسبت نال مختلف تقریبات، سیمینارز، واکس اتے کانفرنساں دا انعقاد کیتا ویسی جیں دا مقصد دنیا دے بے سہارا اتے ضرورت مند لوکاں دی مدد کرݨ دی اہمیت کوں اجاگر کرݨا اے۔ 2012 اچ اقوام متحدہ دی جنرل اسمبلی بیماریاں اتے نادار دی مدد کیتے اپݨی پوری زندگی وقف کرݙیوݨ آلی عظیم سماجی کارکن مدر ٹریسا دے یوم وفات یعنی 5ستمبر کوں ’ورلڈ چیریٹی ڈے‘ مناوݨ دی منظوری ݙتی ہئی۔ ستمبر2015 اچ اپنائے ونڄݨ آلے پائیدار ترقی دے ایجنڈ2030  اچ اقوام متحدہ تسلیم کیتے غربت کوں ایندی ساری قسماں تے جہتاں بشمول انتہائی غربت دا خاتمہ ساریں توں وݙے عالمی چیلنج اتے پائیدار ترقی کیتے ناگزیر اے۔ ایجنڈا مضبوط عالمی یکجہتی دے جذبے دا وی مطالبہ کریندے ، خاص طور تے غریب اتے کمزور لوکاں دی لوڑھ دی ضرورتاں تے توجہ مرکوز کرݨا۔ اے متنوع نجی شعبے دے کردار کوں وی تسلیم کریندے، جیں اچ مائیکرو انٹرپرائزز، کوآپریٹیوز، ملٹی نیشنلز، سول ایجنسیاں اتے مخیر تنظیماں شامل ہن تاں جو نویں ایجنڈے دے نفاذ کوں یقینی بݨایا ونڄ۔ واضح رہے جو پاکستان دا شمار خیرات کرݨ آلے وڈے ملکاں اچ تھیندے جتھاں سالانہ ارباں روپے دی خیرات کیتی ویندی اے ۔