ٹیکس وصولی اچ ودھارے تئیں ملکی معیشت دی بہتری ممکن کائنی، سمگلنگ روکݨ کیتے آپریشن شروع کر ݙتا ڳئے، نگراں وزیر اعظم انوار الحق کاکڑ

اسلام آباد۔7ستمبر  (اے پی پی) نگران  وزیر اعظم انوار الحق کاکڑ آکھیا جو ٹیکس وصولی اچ ودھارے تئیں ملکی معیشت دی بہتری ممکن کائنی، سمگلنگ روکݨ کیتے آپریشن شروع کر ݙتا ڳئے۔ کاروباری برادری دے مسئلیاں دا حل حکومت دی پہلی ترجیح اے، کاروباری برادری اڄوکی ملکی معیشت حالات دے باوجود ملکی معیشت دی ترقی اچ آپݨا کردار نبھاوݨ دے نال نال روزگار دے موقع وی ݙیندی پئی اے۔ وزیر اعظم آفس دے میڈیا ونگ توں جاری بیان موجب نگراں وزیراعظم انوار الحق کاکڑ نال اسلام آباد ایوان تجارت تے صنعت دے وفد صدر احسن ظفر بختاوری دی قیادت اچ ملاقات کیتی۔ ملاقات اچ سیکرٹری کامرس، سیکرٹری صنعت، چیئرمین ایف بی آر، چیئرمین سی ڈی اے اتے متعلقہ اعلی حکام شریک تھیے۔ ایں موقع تے ڳالھ مہاڑ کریندیں ہوئیں نگراں وزیراعظم آکھیا جو کاروباری طبقہ دے تجویزاں دا خیر مقدم کرینداں۔ وزیراعظم وفد دی تجویزاں دا خیر مقدم کیتا اتے انہاں دے مسئلیاں دے جلدی حل دا یقین ݙوایا۔