نگراں وفاقی وزیر ڈاکٹر گوہر اعجاز نال امریکی سفیر ڈونلڈ بلوم دی ملاقات

اسلام آباد۔7ستمبر  (اے پی پی) نگراں وفاقی وزیر تجارت ڈاکٹر گوہر اعجاز نال امریکی سفیر ڈونلڈ بلوم ملاقات کیتی جئیں اچ ݙوپاسہ تجارت تے ڳالھ کیتی ڳئی۔ ایں موقع تے ݙوپاسہ تجارت ودھاوݨ، امریکہ اتے پاکستان وچال آپسی تعاون ودھاوݨ تے وی ڳالھ کیتی ڳئی۔ ملاقات اچ ڳالھ مہاڑ کریندیں ہوئیں ڈاکٹر گوہر اعجاز آکھیا جو حکومت پاکستان ہک خصوصی سرمایہ کاری سہولت کونسل ٻݨائی اے جئیں دا مقصد مختلف شعبیاں مثلاً کاناں، معدنیات، زراعت، انفارمیشن ٹیکنالوجی اتے توانائی اچ سرمایہ کاری کوں راغب کرݨ اے۔ انہاں پاکستان دی مستقبل دی معاشی ترقی دی اہمیت کوں اجاگر کیتا اتے امریکی حکومت دی حمایت دی تعریف کیتی۔