پنجاب دے دریاواں اچ پاݨی نارمل وہندا پئے، ترجمان پی ڈی ایم اے

لاہور۔8ستمبر  (اے پی پی) دریائے ستلج سودھے پنجاب دے سارے دریا معمول دے مطابق وہندے پئن ۔ جاری بیان اچ ترجمان پراونشل ڈیزاسٹر مینجمنٹ اتھارٹی پنجاب  (پی ڈی ایم اے) ݙسائے جو پنجاب دے سارے دریا معمول دے مطابق وہندے پئن ، دریائے سندھ اچ تربیلا اتے چشمہ دی جاہ تے پاݨی دی سطح اچ ودھارا ریکارڈ کیتا ڳئے ، تربیلا اچ پاݨی 1 لکھ 14 ہزار کیوسک تے اخراج 86 ہزار کیوسک اے جݙاں جو چشمہ تے پاݨی دی آمد 1 لکھ 67 ہزار اتے اخراج 1 لکھ 49 ہزار کیوسک اے، دریائے جہلم، راوی، چناب اتے ستلج اچ پاݨی نارمل وہندا پئے ۔ ترجمان پی ڈی ایم اے مزید آکھیے دریائے ستلج دے سیلاب توں متاثر تھیوݨ آلے علاقیں اچ بحالی دے اقدامات جاری ہن۔