لاہور۔22نومبر(اے پی پی):وزیر اعلیٰ پنجاب محسن نقوی لاہور اچ جاری 3 ترقیاتی منصوبیاں دا دورہ کیتے۔ انہاں والٹن روڈ، اے ڈی اے نالے دی ری ماڈلنگ و اپ گریڈیشن، کیولری انڈر پاس اتے سینٹر پوائنٹ تا والٹن روڈ سی بی ڈی پنجاب قائد ڈسٹرکٹ پراجیکٹ تے کم ݙٹھے۔ وزیر اعلی پورے والٹن روڈ دا معائنہ کیتے اتے تعمیراتی سرگرمیاں کیتے ٹریفک مینجمنٹ دے موثر اقدامات دی ہدایت کریندے کم تیکھے …
نگران وزیر اعلیٰ پنجاب دا لاہور اچ مختلف ترقیاتی و تعمیراتی منصوبیاں دا دورہ
لاہور۔22نومبر(اے پی پی):وزیر اعلیٰ پنجاب محسن نقوی لاہور اچ جاری 3 ترقیاتی منصوبیاں دا دورہ کیتے۔ انہاں والٹن روڈ، اے ڈی اے نالے دی ری ماڈلنگ و اپ گریڈیشن، کیولری انڈر پاس اتے سینٹر پوائنٹ تا والٹن روڈ سی بی ڈی پنجاب قائد ڈسٹرکٹ پراجیکٹ تے کم ݙٹھے۔ وزیر اعلی پورے والٹن روڈ دا معائنہ کیتے اتے تعمیراتی سرگرمیاں کیتے ٹریفک مینجمنٹ دے موثر اقدامات دی ہدایت کریندے کم تیکھے مکاوݨ دی ہدایت کیتی۔ وزیر اعلیٰ دورے ویلھے دکاناں بند کراوݨ تے ناراضگی ݙکھائی اتے انتظامیہ کوں دکاناں تیکھے کھولݨ دی ہدایت ݙتی۔ وزیر اعلی کیولری انڈر پاس دے جاری تعمیراتی کماں، انڈر پاس دی چھت تے کنکریٹ اتےسڑکاں تے اسفالٹ لاوݨ سودھا لاہور سنٹرل بزنس ڈسٹرکٹ ڈویلپمنٹ اتھارٹی دا وی دورہ کیتے۔ ایں موقع تے میڈیا نال الیندے محسن نقوی آکھیا جو والٹن روڈ دی اپ گریڈیشن و ری ماڈلنگ میگا پراجیکٹ اے جیندے تے 9 ارب روپے توں ودھ لاگت آسی، چیل چوک تے فلائی اوور وی ٻݨایا ویسی۔
