شمالی وزیرستان دے علاقے رزمک اچ سیکیورٹی فورسز دے قافلے تے دیسی ساختہ بم حملہ، پاک فوج دے ݙو جوان شہید

راولپنڈی۔22نومبر(اے پی پی):شمالی وزیرستان دے علاقے رزمک اچ سیکیورٹی فورسز دے قافلے تے دیسی ساختہ بم حملے اچ پاک فوج دے 2 جوان شہید تھی ڳن۔ آئی ایس پی آر دے مطابق شہید جواناں اچ پاک فوج دے لانس نائیک احسان بادشاہ (عمر: 33 سال، رہائشی: ضلع کرک)، لانس نائیک ساجد حسین (عمر: 30 سال، رہائشی: ضلع کرم) شہید تھئین۔ علاقے اچ کہیں وی دہشتگرد کوں مکاوݨ کیتے سینی ٹائزیشن آپریشن کیتا ویسی، فورسز دہشت گردی دی لعنت مکاوݨ کیتے پرعزم ہین اتے ساݙے بہادر سپاہیاں دیاں قربانیاں ساݙا عزم ودھیندن۔